Një ngjarje e rëndë është regjistruar mëngjesin e kësaj të marte në qytetin e Korçës, ku një 66-...
AKTUALITET
58-vjeçari ndërron jetë në QSUT, familjarët akuza për ngjarje kriminale: E vranë!
PiranjatPërditësimi i fundit 8 Shtator 2025, 13:47
58-vjeçari nga fshati Rëmbec i Maliqit ka ndërruar jetë ditën e djeshme në QSUT, pas 15 ditësh në gjendje kome.
Jorgo Ajredini u dërgua më 13 gusht nga familjarët në spitalin e Korçës me plagë në kokë dhe për shkak të gjendjes së rëndë, u transferua menjëherë në Tiranë.
Policia e Korçës e referoi ngjarjen fillimisht si aksidentale, duke dyshuar se 58-vjeçari ishte goditur nga kali, por familjarët e viktimës hedhin poshtë këtë version dhe ngulin këmbë se kemi të bëjmë me një ngjarje kriminale.
Sipas tyre Ajredini u gjet pranë fushës së sportit të fshatit, i hedhur në një kanal, me plagë të shumta në kokë, në ballë, pas veshëve dhe në nofull.
Dyshimet e tyre shtohen më shumë edhe nga dëshmia që i ndjeri dha para se të humbiste ndjenjat.
Agustin Ajredini, vëllai i viktimës, deklaroi se i plagosuri i ka thënë se nuk e kishte goditur kali, por sipas tij e vranë “një person i shkurtër nga Pogradeci”, ky ishte edhe komunikimi i fundit i tij me familjarët, përpara se të binte në gjendje kome.
Ndërkohë, pas vdekjes së 58-vjeçarit, policia dhe prokuroria e Korçës kanë rihapur hetimet.
Deri në këto momente janë shoqëruar rreth 15 persona, mes tyre familjarë dhe banorë të Rëmbecit, ndërsa janë sekuestruar edhe kamerat e sigurisë të zonës, të cilat po analizohen nga prokuroria.
Hetuesit janë në pritje të raportit përfundimtar mjeko-ligjor, i cili pritet të përcaktojë nëse bëhet fjalë për një aksident tragjik apo një ngjarje kriminale.
