Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
AKTUALITET
7 milionë euro për spektakël me Giro d’Italia / Berisha: Pacientët pa ilaçe, luks në zyrat e Ramës por krizë në spitale
PiranjatPërditësimi i fundit 15 Nëntor 2025, 12:37
Kryetari i Partisë Demokratike denoncoi se Edi Rama shpenzoi 7 milionë euro për spektaklin me “Giro d’Italia”, duke shtuar se ky është një skandal ndërkohë që pacientët në spitale mbeten pa ilaçe. Sipas Berishës, Rama shpenzoi 33 mijë në zyrën e tij me një shishe vere.
“Giro d’Italia ka marrë 7 milionë euro. Ndërkohë në media deklarohet se nuk ka ilaçe—këtij njeriu të papërgjegjshëm i duket normale të hapë shishe verë prej 33 mijë eurosh në zyrat e tij, të udhëtojë me charter dhe të lërë të sëmurët pa ilaçe. Kjo është krim kundër njerëzimit. Sot, vetëm sot, ai deklaroi se i la pa ilaçe sepse ishin shumë. Ndërtoi Kopshtin e Edenit, bleu makina të blinduara, të shpenzosh 22 milionë euro udhëtime në 2 vite
Sot pranoi se i lamë pa ilaçe se ishin shumë. Të gjitha ilaçet e tyre që është e vërtet që janë të kushtueshme, nuk kushtonin kurrë as dhe 1/5 e shpenzimeve personale të Edi Ramës. As 1/10. Por, natyrisht, njerëzit i shumëzon me zero para interesave të pushtetit. Sot ai me shpirtkazmëri, si për t’i prekur u kujtoj qytetarëve eksperiencën personale. Nuk besoj së kë lënë ndonjë person tëndin pa ilaçe. Po të kishe ndjeshmëri, si lije kurrë ata pa ilaçe. U vije vijën të gjitha shpenzimeve për të garantuar ilaçet. Tani tha që këtë vit të kenë ilaçe dhe uroj të mos u vidhni ilaçet siç keni vepruar. Administrata jote ka bërë tregti me ilaçe, ministrja jote është pasuruar me ilaçe, të gjitha të evidentuara nga KLSH", tha Berisha.
