Një tjetër eurodeputet i Parlamentit Europian ka reaguar i indinjuar ndaj dhunës së policisë me urdhër të kryeministrit...
POLITIKE
A kemi opozitë në Këshillin Bashkiak të Tiranës?
PiranjatPërditësimi i fundit 16 Shtator 2025, 19:57
Në pritshmëritë e Piranjave por edhe të opinionit publik, skandali i fundit i dokumentuar në të cilin taksat e qytetarëve përfundojnë në xhepat e inspektorëve bashkiakë abuzues duhet të kishte marrë vëmendje të shtuar.
Vëmendje kjo që do duhej të vinte nga shumë grupe interesi si prsh mediat kryesore në vend, organizatat joqeveritare pse jo edhe nga qytetarët e thjeshtë të angazhuar.
Ajo që në gjykimin tonë është shumë e rëndë për këtë skandal është heshtja e pothuajse të gjithë përfaqësuesve të opozitës në këshillin bashkiak, të cilët janë të parët që do duhej të reagonin për shkak të rolit, aksesit në informacion dhe votëbesimit që kanë marrë për të mbrojtur interesin publik.
Kush më mirë se këshilltarët opozitarë në Këshillin Bashkiak Tiranë mund të ngrejë zërin mbi abuzimet e Bashkisë Tiranë?
Nga kush presim kërkesë llogarie nëse vetë opozitarët e atij që vetë e quajnë regjim nuk kanë gojë për të folur në mbrojtje të taksave të qytetarëve të thjeshtë të Tiranës?
Sigurisht që ka përjashtime, zëra të rëndësishëm si Belind Këlliçi të cilin gjejmë rastin ta falenderojmë publikisht, kanë ngritur zërin për këtë rast ashtu si shumë raste abuzimi në bashkinë e Tiranës. Mirëpo kjo heshtje bashkëfajtore dëshmon për një krizë legjitimiteti dhe përfaqësimi nga krahu politik i cili do duhej të ishte i pari në çdo front të denoncimeve antiqeveritare, e që për fat të keq është shndërruar në një masë amorfe memece dhe pa karakter politik./Piranjat.al
