Abuzonin me djalin e tyre 2-vjeçar si dhe publikuan pamjet në Tik Tok, arrestohen prindërit në Fier

foto ilustruese

FIER- Janë arrestuar prindërit të cilët filmonin e publikonin video me natyrë seksuale me fëmijën e tyre të mitur në TikTok. Mësohet se nëna S.K dhe babai i të miturit F.K, abuzonin me fëmijën e tyre 2-vjeçar dhe këtë e shfaqnin edhe në mediat sociale.

Për këtë arsye prindërit akuzohen për veprat penale “Marrëdhënie seksuale ose homoseksuale me të mitur”, “Pornografia” dhe “Vepra të turpshme”.

Njoftimi i Prokurorisë:

Abuzonin me fëmijën e tyre mitur, Prokuroria e Fierit procedon dy prindërit për ‘Pornografi’ dhe “Marrëdhënie seksuale ose homoseksuale me të mitur”

Prokuroria pranë Gjykatës së Shkallës së Parë të Juridiksionit të Përgjithshem, Fier, në bashkëpunim me policinë gjyqësore bënë të mundur dokumentimin ligjor lidhur me ngjarjen e publikuar në aplikacionin “Tik Tok”, ku pas hetimi të bërë ka rezultuar se, se shtetasit S.K. dhe F.K (bashkëshorte), kryenin veprime me natyrë seksuale ndaj djalit të tyre të mitur i moshës 2-vjeç dhe i publikonin në vijim në aplikacionin “Tik Tok”.

Në lidhje me këtë ngjarje, Prokuroria pranë Gjykatës së Shkallës së Parë të Juridiksionit të Përgjithshëm Fier, regjistroi procedimin penal nr.971/2024 dhe me urdhër të prokurorit u ndalua shtetasja S.K, e dyshuar për kryerjen e veprës penale “Marrëdhënie seksuale ose homoseksuale me të mitur” dhe “Pornografia” parashikuar nga neni 100/1 dhe neni 117/2 i K.Penal.

Gjithashtu, u arrestua në flagrancë shtetasi F.K., i dyshuar për kryerjen e veprës penale “Vepra të turpshme” dhe “Pornografia” parashikuar nga neni 108/2 dhe neni 117/3 i K.Penal.

tik tok fier abuzim me femijen