Kreu i Partisë Demokratike, Sali Berisha, në një dalje për mediat pas mbledhjes së grupit parlamentar demokrat, ka sulmuar qeverin&eu...
AKTUALITET
Adnan Xholi: Do ta çoj para luftën e SPAK kundër krimit e korrupsionit
PiranjatPërditësimi i fundit 11 Dhjetor 2025, 14:43
Kandidati Adnan Xholi po paraqet para Këshillit të Lartë të Prokurorisë platformën e tij për drejtimin e Strukturës së Posaçme Kundër Korrupsionit dhe Krimit të Organizuar (SPAK). Gjatë fjalës së tij, Xholi vlerësoi rezultatet e arritura nga prokurorët e SPAK dhe theksoi angazhimin e tij për të vijuar luftën kundër krimit të organizuar dhe korrupsionit.
Ai thkesoi rëndësinë e mbrojtjes së pavarësisë dhe integritetit të SPAK, si dhe të mbrojtjes së prokurorëve nga sulmet e padrejta, duke i përshkruar ata si pjesë të familjes së tij.
Po aq e rëndësishme është dhe mbrojtja dhe integriteti dhe i pavarësisë së institucionit, mbrojta nga sulmet e padrejta që u bëhen magjistratëve dhe prokurorëve. Shpreh vlerësimet maksimale ndaj trupë së SPAK, për rezultatet që kanë arritur pasi secili prej tyre është kandidat potencial për ta drejtuar atë strukturë. Kanë arritur rezultate konkrete në luftën kundër kriminalitetit, krenar që punoj me ata dhe do ti mbështes në çdo situatë pavarësisht votimit të sotëm.
Ata janë familje ime në sistemin e drejtësisë, më tepër qëndrojmë me ta se me familjen biologjike, ka ardhur koha që të vijohet me hetime në kohë të shpejtë për të goditur kriminalitetin si me hetime penale dhe pasurore me qëllim sekuestrimin e aseteve të krimit, për të çrrënjosur kulturën e pandëshkueshmërisë dhe promovimin e barazisë para ligjit për të gjithë qytetarët.
Për pozicionin e kreut të SPAK garojnë katër prokurorë: Adnand Xholi, Doloreza Musabelliu, Elvin Gogaj dhe Klodian Braho. Për herë të parë një grua kandidon për drejtuese të SPAK. Kandidatët do të paraqesin para anëtarëve të KLP platformat e tyre për drejtimin e SPAK dhe më pas do të votohet për emrin që do të drejtojë SPAK.
