Një ngjarje e rëndë ndodhi mbrëmjen e djeshme në Tiranë, ku 46-vjeçari Ismet Habili me origjinë nga Kavaja, u g...
AKTUALITET
Çahet argjinatura e Semanit!/ Erion Braçe: Shkelet ligji për “Burimet ujore” nga ndërtimi i paneleve fotovoltaike e Elton Çekrezit
PiranjatPërditësimi i fundit 10 Shkurt 2026, 13:08
Instalimi i paneleve fotovoltaike në pronë publike nga kompania “EuroElektra Sh.p.k,” me pronar Elton Çekrezin ka shkaktuar pakënaqësi te banorët e fshatit Imshtë në Lushnjë, të cilët prej 30 vitesh e shfrytëzojnë këtë tokë për të mbjellë prodhime bujqësore. Ndonëse ka hasur në kundërshtinë e banorëve dhe çështja është duke u ndjekur nga Prokuroria e Fierit, kompania tentoi të nisë punimet në kundërshti me ligjin. Banorët theksojnë se ndërtimi buzë argjinaturës së lumit Seman mund të shkaktojë çarjen e saj, që mund të pasohet nga përmbytje masive. Më 8 shkurt sipërmarrësi Elton Çekrezi teksa tentoi të kryejë punime në këtë tokë hasi kundërshtinë e banorëve, ndaj rasti u denoncua publikisht edhe nga deputeti Erion Braçe, i cili sqaron se kjo sipërfaqe toke shtrihet nga buza e lumit Seman deri tek argjinatura dhe ligji “Për burimet ujore” përcakton se kjo tokë është e patjetërsueshme. Ky pohim hedh poshtë pretendimet e sipërmarrësit Elton Çekrezi, i cili thotë se tokën e ka blerë te pronarët e mëparshëm, të cilëve trualli iu është kthyer nga Agjencia e
Kthim-Kompensimeve të Pronave. Braçe e konsideron këtë përpjekje si grabitje të pronës shtetërore.
Veç tentativës për tjetërsimin e pronave shtetërore, skandali thellohet edhe më tej, pasi sipërmarrësi Elton Çekrezi mbrohej nga Policia e Lushnjës ditën kur tentoi të kryente punime në këto toka. Pas përplasjes, banorët e Imshtës u thirrën në Policinë e Lushnjës për të dhënë sqarime për rastin, ndaj deputeti Braçe e cilëson ndërhyrjen e policisë si shpërdorim detyre nga ana e tyre.
