Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
AKTUALITET
"Ai donte të na vriste"/ Shqiptari fluturon me shpejtësi në autostradë dhe terrorizon zonën: Mos e bëni kaq dramë!
PiranjatPërditësimi i fundit 27 Tetor 2025, 22:34
Një 32-vjeçar shqiptar ka terrorizuar qytetarët grek në autostradën VOAK në Greqi, pasi teksa drejtonte një makinë tip “Chevrolet”, nisi të përplasej me shpejtësi të lartë dhe me qëllim ndaj automjeteve që lëviznin përpara tij, duke rrezikuar seriozisht jetën e dhjetëra drejtuesve e pasagjerëve.
Sipas dëshmitarëve, makina e zezë përplasej “si raketë” në pjesën e pasme të automjeteve të tjera, duke bërë që disa prej tyre të devijonin nga rruga, të godisnin mbrojtëset anësore apo ndarëset qendrore të autostradës.
Mësohet se tetë automjete u goditën gjatë incidentit, përfshirë makina me turistë, disa prej të cilave ishin me qira. “Donte të na vriste. E ndjemë. Përpiqej të ‘ngjitej’ mbi makinën tonë,” tha mes lotësh një turiste që ndodhej me pushime në Kretë.
“E pashë nga pasqyrat një makinë të zezë që afrohej me shpejtësi të madhe. Para se të kuptoj çfarë po ndodhte, më goditi me forcë pas makinës, duke më hedhur në ndarësen qendrore. Pastaj, u kthye sërish në rrugë dhe më goditi për herë të dytë. Makina ime përfundoi në kanal”, tha një tjetër.
Sipas tij, ai ishte automjeti i shtatë në radhë që u godit. “Na shpëtoi fati që na përplasi nga pas, përndryshe do kishim pasur viktima,” shtoi ai.
“Ishte fat i madh që nuk pati viktima. Ai njeri mund të kishte vrarë njerëz,” theksuan disa të tjerë.
Pas përplasjes, rezultoi se shoferi ishte shqiptar, i cili pas dëmtimit të rëndë të automjetit dhe shpërthimit të njërës gomë, e braktisi makinën dhe u largua në këmbë përgjatë rrugës së vjetër kombëtare, me drejtim Heraklionin. Policia e lokalizoi më pas në zonën Kokkini Hani dhe e arrestoi. Më vonë, në Drejtorinë e Policisë së Heraklionit, ku u shoqërua, 32-vjeçari tregoi sjellje sfiduese, duke u thënë personave që dëmtoi: “Epo mirë, mos u bëni dramë…”, shkruan Protothema.
Sipas policisë, ndaj tij po ngrihet kallëzim penal nga Seksioni i Trafikut të VOAK për rrezikim serioz të sigurisë rrugore, shkaktim dëmesh materiale dhe braktisje vendi aksidenti. Dosja do t’i përcillet Prokurorisë së Heraklionit për vlerësim të mëtejshëm.
Gazetarja Klodiana Lala dha detaje lidhur me hetimin që po kryhet nga SPAK për zv.kryeministren Belinda Balluku. Lala theksoi se ishte telefoni i ish-...
