Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
AKTUALITET
Air Albania e Sinan Idrizit sorollat udhëtarët në aeroport, i mban në avion për katër orë (FOTO)
PiranjatPërditësimi i fundit 26 Shtator 2025, 18:41
Si mos të mjaftonin problemet e shumta financiare, avionët e Air Albania në pronësi të biznesmenit Sinan Idrizi, sorollasin qytetarët shqiptarë në aeroport.
Nga fluturimet e parashikuara për sot në linjën Tiranë-Milano, udhëtimi u shty dy orë, çka do të thotë se udhëtarët duhet të prisnin në aeroport.
Por nuk mjaftoi kjo pritje për ta. Brenda në avion, atyre u është dashur të presin edhe katër orë të tjerë, duke e çuar pritjen në rreth 6 orë, aq sa mund të bënin disa destinacione.
Pak ditë më parë, një gazetë gjermane shkruante se fundi i Air Albania është i afërt. Shumë anulime fluturimesh, për shkak të pezullimit të destinacioneve të ofruara, si dhe raportimet për vonesa në pagesat e rrogave për punonjësit, i kanë ndezur edhe më shumë këto zëra.
Boeing 737-800 me targa UR-SQO, e marrë me qira nga Sky Up në shkurt, fluturoi vetëm një muaj për Air Albania, para se linja ajrore ukrainase ta anulonte kontratën. Një aeroplan i dytë, i përgatitur për operim, nuk hyri fare në shërbim.
Aktualisht, Air Albania nuk operon asnjë avion të vetin, por vazhdon të përdorë avionë të marrë me qira në formën e dy A320-200, nga Fly 2 Sky (LZ-FSA) dhe Dan Air (YR-DSE), në rrjetin e saj të mbetur të fluturimeve drejt Stambollit, Ankarasë, Bolonjës, Milanos dhe Veronës.
Në një kërkesë nga aeroTELEGRAPH për komente mbi thashethemet dhe akuzat, kompania nuk dha përgjigje.
