Aksident fatal në aksin “Tepelenë-Fier”, autoboti përplaset me makinën, humbin jetët çifti i bashkëshortëve

FIER- Një aksident fatal është regjistruar rreth orës 05:30 në aksin “Tepelenë-Fier”, ku një çift bashkëshortësh kanë humbur jetën. Bëhet me dije se një autobot është përplasur me automjetin tip "Ford" ku udhëtonin dy viktimat të cilët humbën jetën në vendngjarje.

Ndërkohë drejtuesi i autobot me iniciale S. A., dhe pasagjerja që ndodhej në këtë automjet me iniciale A. A., ndodhen në spital për ndihmë mjeksore, jashtë rrezikut për jetën.

Njoftimi:

Rreth orës 05:30, në aksin rrugor “Tepelenë-Fier”, shtetasi S. A., duke drejtuar automjetin tip autobot, ka përplasur automjetin tip “Ford”, me drejtues shtetasin V. A..

Nga përplasja kanë humbur jetën në vendngjarje drejtuesi i automjetit tip “Ford”, shtetasi V. A., dhe pasagjerja që ndodhej në këtë automjet, shtetasja M. A., (bashkëshortja e shtetasit V. A.).

Drejtuesi i automjetit tip autobot, shtetasi S. A., dhe pasagjerja që ndodhej në këtë automjet, shtetasja A. A., ndodhen në spital për ndihmë mjeksore, jashtë rrezikut për jetën.

Grupi hetimor ndodhet në vendngjarje dhe po punon për sqarimin e plotë të rrethanave të aksidentit.

aksident