Aksident i dyfishtë në Kamëz, makinat marrin para dy këmbësoret, humb jetën 46-vjeçarja

Foto ilustruese

TIRANË- Një aksident i rëndë është regjistrua ditën e sotmë në Kamëz. Sipas njoftimit të policisë ngjarja ka ndodhur në rrugën "Nënë Tereza" ku një automjet është përplasur me një makinë tjetër.

Pas përplasjes mes dy mjeteve mësohet se ato kanë përplasur edhe dy këmbësore. Fatkeqësisht njëra nga këmbësoret nuk ka mundur tu shpëtojë plagëve dhe ka humbur jetën në spital.

Sipas njoftimit të policisë ka humbur jetën 46-vjeçarja me inicialet F. M. dhe është plagosur edhe 20-vjeçarja me inicialet XH. M. 

Njoftimi:

Kamëz/Informacion paraprak. Më datë 16.06.2024, në rrugën "Nënë Tereza", shtetasi B. K., duke drejtuar automjetin dyshohet se ka humbur kontrollin mbi drejtimin e tij dhe është përplasur me automjetin me drejtues shtetasin E. K., dhe më pas me shtetaset F. M., 46 vjeçe, dhe Xh. M., 20 vjeçe (këmbësore).

Si pasojë e dëmtimeve të marra nga aksidenti shtetasja F. M., ka ndërruar jetë në spital, ndërsa shtetasja Xh. M., ndodhet nën kujdesin e mjekëve. Grupi hetimor po punon për sqarimin e rrethanave të aksidentit.

kamez aksident viktime