Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
Flakët në malin me mbetje në fshatin Halil, Fushë-Krujë, janë shuar nga reshjet e shiut, por zjarri vijon të jetë akti...
AKTUALITET
Aksidenti në Vlorë/ Rëndohet bilanci, humb jetën edhe pasagjeri
PiranjatPërditësimi i fundit 2 Shtator 2025, 09:14
Është rënduar bilanci i aksidentit të ndodhur në aksin rrugor Fier–Vlorë, në vendin e njohur si “Kripa” në Panaja.
Mësohet se ka ndërruar jetë pasagjeri që u plagos rëndë në përplasjen mes një automjeti tip “Dacia” dhe një kamionçine, duke e çuar në dy numrin e viktimave.
Ai u transportua në gjendje kritike për jetën në Spitalin Rajonal të Vlorës, por nuk mundi t’u mbijetojë plagëve dhe ndërroi jetë gjatë orëve të para të mëngjesit të sotëm.
Aksidenti i rëndë ndodhi ditën e djeshme, aty ku humbi jetën në vend drejtuesi i kamionçinës, një 62-vjeçar, pas përplasjes së fortë me barrierat anësore të rrugës.
Ndërkohë, automjeti tjetër i përfshirë në aksident, një mjet tip “Dacia”, drejtohej nga një 28-vjeçare me shtetësi italiane, e cila, raportohet se po lëvizte me shpejtësi të lartë në momentin e ngjarjes.
Grupi hetimor vijon punën për të sqaruar plotësisht rrethanat e aksidentit.
Nga ana tjetër, Prokuroria ka nisur procedurat hetimore për zbardhjen e plotë të rastit dhe për të përcaktuar nëse do të ketë ndjekje penale ndaj drejtueses së automjetit “Dacia”.
