Zjarri në zonën e Radostinës në Fier vijon të jetë aktiv me intensitet të lartë dhe situata raportohet e vështir&...
AKTUALITET
Aksioni i IKMT-së, tropojanët: Arrestimet dhe shembjet të ndalen ose do ngrihemi në protesta!
PiranjatPërditësimi i fundit 9 Shtator 2025, 17:44
Banorët e Tropojës i bëjnë thirrje shefit të Komisariatit në Bajram Curri që të ndalojë shoqërimet dhe arrestimet e personave që po ndërtojnë stane verore në zonën e Bjeshkëve, sepse do të detyrohen të ngrihen në protesta.
Javën e fundit, shërbimet e Komisariatit të Policisë Tropojë, në varësi të drejtorisë vendore të qarkut në Kukës, kanë nisur kontrolle intensive në Tropojë dhe zonën e Bjeshkëve. Një pjesë tyre, është shpallur zonë e mbrojtur. Kontrollet kanë zbuluar disa objekte me tipologji ndërtimi gurë dhe dru, të cilat ndërtohen kryesisht nga banorët që kalojnë verën në Bjeshkë, apo dhe ata që janë larguar prej vitesh jashtë Shqipërisë dhe në verë kthehen në vendin ku kanë lindur për të ndërtuar shtëpi alpine.
Përmes rrjeteve sociale, ata i bëjnë thirrje Komisariatit të Policisë në Bajram Curri që të ndalojë këto shoqërime dhe arrestime, të cilat ata i konsiderojnë të paligjshme, sepse sipas tyre paratë e fituara me mund nga emigrimi nuk mund të merren me forcën e uniformës.
"Ata duan ta investojnë në vendlindje, në bjeshkët e tyre, aty ku janë rritur dhe ku kanë rrënjët. Nuk kërkojnë të bëjnë resorte luksoze, por shtëpi të thjeshta alpine, me gur e me dru, për të kaluar verën pranë familjes dhe për të mbajtur gjallë jetën në mal. Çdo pengesë e panevojshme, çdo abuzim apo procedim i padrejtë është një shuplakë ndaj emigrantëve dhe ndaj sakrificës së tyre. Ata nuk duhen trajtuar si fajtorë, por si kontribues që sjellin jetë dhe zhvillim në Tropojë e Valbonë", thuhet në reagim.
