Akuzohet se është dënuar në Greqi për falsifikim dokumentash, Prokuroria nis verifikimet për gjyqtaren Irena Gjoka

TIRANË - Prokuroria e Përgjithshme ka nisur verifikimet për gjyqtaren e GJKKO-së Irena Gjoka, pas publikimit të artikullit nga mediat greke ku thuhej se kjo e fundit është dënuar për falsifikim dokumentesh, në shtetin fqinj. Sipas artikullit të mediave greke, të publikuar pak ditë më parë, gjyqtarja Gjoka u përpoq të hynte në Greqi ilegalisht, por u zbulua dhe u dëbua për 10 vite nga zona Shengen.

Lidhur me këtë, burime për mediat bëjnë me dije se Prokuroria i ka nisur KLGJ-së kërkesë për verifikimin e gjyqtares. Mësohet se kërkesa është dërguar që më 19 prill 2024.

Gazeta greke, 'ProtoThema' ka botuar tri ditë më parë një artikull të detajuar në lidhje me gjyqtaren Irena Gjoka. Media greke e ka nisur artikullin me titullin: Në listën e nongratave të Shengen, gjyqtarja që dënoi Belerin.

Më tej artikulli vijon me detaje se si gjyqtarja e Belerit u u përpoq të hynte në Greqi ilegalisht, dhe u dëbua nga zona Shengen. Media greke thoshte se për këtë arsye ajo është përjashuar nga Gjykata e Posaçme Kundër Krimit të Organizuar.

irena gjoka klgj gjkko