Altin Goxhaj është rrëmbyer? Burime për Piranjat news: Ja ku ndodhet avokati

Avokati dhe aktivisti i njohur, Altin Goxhaj është shoqëruar në ambientet e Komisariatit nr. 2 në Tiranë, pas raportimeve të mëparshme që ngritën dyshime për një “arrestim” nga persona pa uniformë.

Fillimisht, ambientalisti Sazan Guri reagoi në rrjetet sociale duke pretenduar se Goxhaj ishte marrë nga persona që prezantoheshin si punonjës policie, por pa uniformë, ndërsa nuk kishte asnjë informacion zyrtar nga komisariatet.

Ndërkohë, sipas informacioneve të siguruara nga Piranjat News, Goxhaj është shoqëruar nga policia dhe ndodhet në Komisariatin nr. 2, pasi dyshohet se ka fyer dhe kundërshtuar punonjësit e policisë gjatë ushtrimit të detyrës, në një rast që lidhet me heqjen e automjeteve të parkuara në korsitë e dedikuara.

Deri më tani, nuk ka një njoftim zyrtar nga policia në lidhje me këtë rast.

Sipas të njëjtave burime, pritet që ai të lirohet pas përfundimit të procedurave./Piranjat news