Anëtarët e rinj të KLP/ Ambasada amerikane: Ky proces të rezultojë përzgjedhjen e kandidatëve më të kualifikuar dhe me nivelet më të larta të profesionalizmi

Foto ilustruese

TIRANË- Ambasada e Shteteve të Bashkuara të Amerikës ka reaguar ditën e sotme në lidhje me zgjedhjen me short të anëtarëve nga radhët e avokatëve në Këshillin e Lartë të Prokurorisë. Përmes një reagimi në "Facebook" ambasada amerikane shkruan SHBA pret që ky proces të rezultojë në përzgjedhjen e kandidatëve më të kualifikuar me nivelet më të larta të profesionalizmit, integritetit dhe pavarësisë. 

Më tej shtohet se përmes përzgjedhjes së kandidatëvë në këtë mënyrë mund të sigurohet vetëm nga përzgjedhja reale e kandidatëve nga nënkomisioni në vend që t'i drejtohet rastësisë përmes një shorti. Reagimi përfundon duke theksuar se Shtetet e Bashkuara mbeten të përkushtuara për të mbështetur Shqipërinë teksa ajo lufton korrupsionin, forcon institucionet e saj të drejtësisë dhe garanton shtetin e së drejtës.

"Ambasada e SHBA po ndjek nga afër procesin e sotëm të nënkomisionit parlamentar për përzgjedhjen e anëtarëve nga radhët e avokatëve në Këshillin e Lartë të Prokurorisë dhe Këshillin e Lartë Gjyqësor. Shtetet e Bashkuara presin që ky proces të rezultojë në përzgjedhjen e kandidatëve më të kualifikuar me nivelet më të larta të profesionalizmit, integritetit dhe pavarësisë – gjë që mund të sigurohet vetëm nga përzgjedhja reale e kandidatëve nga nënkomisioni në vend që t'i drejtohet rastësisë përmes një shorti. Shtetet e Bashkuara mbeten të përkushtuara për të mbështetur Shqipërinë teksa ajo lufton korrupsionin, forcon institucionet e saj të drejtësisë dhe garanton shtetin e së drejtës," thuhet në reagim.

shba klp