Ankimuan vendimin e GJKKO-së, Apeli i Posaçëm cakton datën, ja kur do të mbahet seanca për Safet Gjicin dhe Alma Kaçin

Safet Gjici

TIRANË- Ish-kryetari i Bashkisë së Kukësit, Safet Gjici dhe Alma Kaçi kanë ankimuar vendimin e GJKKO-së  që i shpall ata fajtor për “korrupsion pasiv i funksionarëve të lartë shtetërorë ose i të zgjedhurve vendorë” dhe “Korrupsioni aktiv i funksionarëve të lartë shtetërorë ose i të zgjedhurve vendorë”.

Në lidhje me këtë ankimin Apeli i Posaçëm ka dalë më një komunikim ku ka bërë më dije se seanca do të mbahet muajin tjetër me datë 13. Në shortin e hedhur sot, trupi gjykues do të përbëhet nga gjyqtari Florjan Kalaja, Miliana Muça dhe Igerta Hysi ndërsa seanca gjyqësore do të jetë publike dhe do të mbahet në orën 09:00.

Njoftimi i plotë:

Gjykata e Posaçme e Apelit për Korrupsionin dhe Krimin e Organizuar, më 13.05.2024, regjistroi çështjen penale nr. 33 akti, mbi ankimin e Prokurorisë së Posaçme kundër Korrupsionit dhe Krimit të Organizuar dhe ankuesve/të pandehur S.Gj., A.K., me objekt: “Ankim ndaj vendimit nr. 8, datë 07.02.2024 të Gjykatës së Posaçme të Shkallës së Parë për Korrupsionin dhe Krimin e Organizuar” që ka deklaruar fajtor të pandehurit për kryerjen e veprave penale “Korrupsioni pasiv i funksionarëve të lartë shtetërorë ose i të zgjedhurve vendorë” parashikuar nga neni 260 i Kodit Penal dhe “Korrupsioni aktiv i funksionarëve të lartë shtetërorë ose i të zgjedhurve vendorë” parashikuar nga neni 245 i Kodit Penal.

Sipas shortit të datës 14.05.2024, trupi gjykues përbëhet nga gjyqtari Florjan Kalaja (kryesues), Miliana Muça (Anëtare), dhe Igerta Hysi (Anëtare). Seanca gjyqësore publike është caktuar për më datë 13.06.2024, ora 09:00.

safet gjici gjkko