I ftuar në emisionin ‘Kafe Shqeto’ në Syri TV, pedagogu Gjok Vuksani ka akuzuar kryeministrin Edi Rama për gjuhën fyese ndaj s...
AKTUALITET
Aplikacioni i krimit "Matrix"/ "Gjuha shqipe ndër më të përdorurat", Lala: Platformë komplekse, varet nga qëndrimi i gjykatave
ZH.LLPërditësimi i fundit 5 Dhjetor 2024, 21:57
Lala
TIRANË- Europol ka arritur të çmontojë platformën "Matrix", e projektuar nga kriminelët për t’u përdorur ekskluzivisht në botën e krimit. Ndërkohë, janë arritur të deshifrohen mesazhe të koduara të shkëmbyera nga përdoruesit e platformës, të cilat përfshinin edhe gjuhën shqipe.
Gazetarja Klodiana Lala, e ftuar në emisionin "Të Paekspozuarit" në MCN TV, ku ka folur për platformën Matrix, thotë se sipas informacioneve zyrtare nga Europol, gjuha shqipe është ndër më të përdorurat. Gazetarja ka zbuluar se rasti po drejtohet nga autoritetet franceze dhe hollandeze, ndërkohë që Matrix po hetohet vetë në 3 muajt e fundit. Lala ka theksuar se ky është një program kompleks dhe gjithçka varet nga qëndrimi që do mbajnë autoritetet.
"Kam bërë një kërkesë zyrtarë në Europol. Janë përgjigjur për dhjetë minuta. Kanë konfirmuar se shqipja është mes gjuhëve të përdorura. Rasti po drejtohet nga autoritetet franceze dhe hollandeze. Matrix është përgjuar vetëm në tre muajt e fundit. Janë kopjuar të dhëna që mund të konsiderohen të ligjshme, vetëm tre muajt e fundit.
Për herë të parë është zbuluar nga autoritetet hollandeze në vitin 2021. U vra një gazetar hollandez dhe u arrestuan disa persona. Në telefonin e njërit prej te arrestuarve u zbulua ky aplikacion por ishte i koduar. U desh bashkëpunim me francezët dhe task forcën e Europol për të dekriptuar aplikacionin. Të dhënat e ligjshme janë mbledhur vetëm në tre muajt e fundit.
Varet edhe nga qëndrimi që do të mbajë gjykata. Në muajt e fundit janë 2.3 milionë mesazhe.
Ka një ndryshim me SKY që është përgjuar që në ditën zero dhe janë konsideruar të ligjshme si indicie që të çojnë te prova. Ndërkohë, Matrix, është detyrë e autoriteteve. Nuk ka ende një proces hetimor që të lidhet me Matrix.
Ky është me një program kompleks, më kompleks sesa SKY. Ka dashur më tepër kohë për tu çkoduar. Ka një pagesë të konsiderueshme, 400 euro muaji. Gati 3500 euro viti për abonimin. Pra përdoret nga njerëz me mundësi financiare. Platforma që ishte ndërtuar, shumë komplekse, kanë kapur 40 servera. Se cili do të jetë qëndrimi i autoriteteve, mbetet për t’u parë.
Kam komunikuar me email edhe me Eurojust, që thotë se ka mbështetur autoritetet franceze dhe hollandeze, por nuk japin detaje.
Këtu te ne pastaj flitet për teori konspirative dhe është abuzim mediatik", tha Lala.
