Policia është përplasur me protestuesit e rinj në qendër të Tiranës pasditen e të hënës, ku dhjetëra pers...
AKTUALITET
Asgjësohen mbi 4 mijë bimë narkotike në Shkodër, arrestohet 43-vjeçari, nën hetim kryetari i njësisë administrative
M.B.Përditësimi i fundit 31 Maj 2024, 12:02
Foto nga vendi i ngjarjes
SHKODRA- 4621 bimë dhe fidanë kanabisi janë asgjësuar në zonën e Velipojës. Mësohet se në një rast autoritetet asgjësuan 2946 bimë narkotike dhe 1385 fidanë në kubikë. Lidhur me këtë rast u procedua në gjendje të lirë kryetarin e njësisë administrative Postribë, 34-vjeçari me inicialet R. M., për veprën penale “Shpërdorimi i detyrës”.
Ndërsa në një tjetër rast, në fshatin Baks, autoritetet kanë asgjësuar 290 bimë kanabis teksa është arrestuar 43-vjeçari me inicialet A. T.
Njoftimi:
Qarku Shkodër/Vijon intensivisht megaoperacioni policor kombëtar i koduar “Territor i pastër”, kundër kultivimit të bimëve narkotike. Nga kontrollet intensive të territorit, asgjësohen në Postribë dhe në Velipojë, 4621 bimë dhe fidanë cannabisi. Identifikohet, kapet dhe vihet në pranga autori i kultivimit në Velipojë.
Procedohet në gjendje të lirë, për shpërdorim të detyrës, kryetari i njësisë administrative Postribë. Në vijim të megaoperacionit kombëtar policor, të koduar “Territor i pastër”, u evidentuan dhe goditën 2 raste të tjera të kultivimit të bimëve narkotike, konkretisht:
-shërbimet e Komisariatit të Policisë Shkodër, në Postribë, gjetën dhe asgjësuan 2946 bimë narkotike dhe 1385 fidanë në kubikë. Në vijim të veprimeve procedurale, u referuan materialet në Prokurori, ku nisi procedimi në gjendje të lirë, për veprën penale “Shpërdorimi i detyrës”, për kryetarin e njësisë administrative Postribë, shtetasin R. M., 34 vjeç;
-shërbimet e Stacionit të Policisë Velipojë, në fshatin Baks, gjetën dhe asgjësuan 290 bimë cannabisi. Si rezultat i hetimeve dhe veprimeve profesionale policore, u identifikua, kap dhe u arrestua autori i dyshuar i kultivimit të këtyre bimëve, shtetasi A. T., 43 vjeç., banues në Velipojë.
Vijon puna për identifikimin, kapjen dhe nxjerrjen përpara përgjegjësisë penale, të shtetasve të tjerë të implikuar në këtë veprimtari kriminale. Megaoperacioni “Territor i pastër” vijon.
