Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
AKTUALITET
Automjeti i policisë përplaset me një mjet tjetër, plagosen efektivët. Policia jep detaje
PiranjatPërditësimi i fundit 9 Nëntor 2025, 15:47
Një aksident rrugor u regjistrua pasditen e sotme në aksin Fier–Patos, ku dy automjete janë përplasur midis tyre duke lënë pas tre persona të plagosur.
Ngjarja ka ndodhur rreth orës 15:10, kur një automjet policie është përplasur me një mjet tip “Benz”.
Si pasojë e përplasjes, dy efektivë të Komisariatit të Fierit dhe drejtuesja e mjetit tjetër janë transportuar në spital, ku po marrin ndihmën mjekësore.
Reshjet e dendura të shiut që kanë vijuar prej mbrëmjes së djeshme kanë vështirësuar dukshmërinë në rrugë, çka dyshohet të ketë ndikuar në aksident.
Grupi hetimor ndodhet në vendngjarje dhe po punon për sqarimin e plotë të rrethanave dhe përcaktimin e shkaqeve të ngjarjes.
Njoftimi:
Rreth orës 14:40, në aksin rrugor "Fier-Patos", shtetasja M. H. duke drejtuar automjetin, ka humbur kontrollin dhe për pasojë ka goditur automjetin e policisë rrugore, me drejtues punonjësin e policisë F. Sh.
Për pasojë është dëmtuar shtetasja M. H. dhe dy punonjësit e policisë, të cilët ndodhen në spital, jashtë rrezikut për jetën.
Grupi hetimor po punon për sqarimin e plotë të rrethanave dhe shkakut të aksidentit.
