Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
AKTUALITET
Banorët e Boçovës në Fier në protestë: Salillari po ndërton panele diellore në tokat tona
PiranjatPërditësimi i fundit 2 Dhjetor 2025, 17:23
Banorët e fshatit Boçovë në Fier kanë dalë sot në protestë, duke akuzuar kompaninë “Bervi Construction” se po ndërton panele diellore në tokat që ata i kanë përfituar me ligjin 7501. Sipas tyre, certifikatat e pronësisë janë regjistruar padrejtësisht në emër të kompanisë, ndërsa në terren po kryhen punime pa transparencë. Banorët thonë se pas “Bervi Construction” qëndron kompania “Salillari”, e njohur për mënyrën si “fshehet”, duke përdorur emra të tjerë për projekte të mëdha, ndërsa vetë nuk shfaqet në dokumente.
“Makineritë që punojnë këtu i njohim fare mirë, janë të Salillarit. Por askush nuk del të na japë shpjegime”, janë shprehur banorët për mediat.
Ata theksojnë se kanë 30 vite që enden nëpër institucione për të marrë certifikatën e pronësisë, ndërsa sot tokat e tyre dalin me mbivendosje: “Na pretendojnë se nuk është toka jonë, ndërkohë që ne e punojmë prej tre dekadash. Kjo është e vetmja mënyrë për të mbajtur familjet tona.”
Nga dokumentet zyrtare rezulton se kompania ka ndryshuar emrin në vitin 2020. Gjithashtu rezulton se administrator i kompanisë është Afërdita Salillari.
Kjo nuk është hera e parë që Pëllumb Salillari, fshihet si kamelon, pas të afërmve apo punonjësve të tij. Pak kohë më parë emisioni investigativ “Prianjar”, publikoi historinë e Hektor Agalliut, pensionistit nga Tërpani dhe njëkohësisht punëtor i Salillarit, në emër të të cilit rezultonte koncesioni i Portit Tregtar të Vlorës, një projekt me vlerë rreth 60 milionë euro.
Investigimi tregoi se Agalliu figuronte si mbajtës i koncesionit, ndërsa dyshimet kryesore lidhnin skemën me Salillarin. Historia nuk përfundonte me kaq, pasi edhe djali i tij, Engjëll Agalliu, kishte përfituar një projekt edhe më të madh, duke treguar një model të qartë se si përdoren persona të afërt për të marrë projekte me vlera të larta./bold
