Sot në orën 10:00 Sekretariati i Etikës në Kuvend do të mblidhet online për të shqyrtuar kërkesën e një grup...
AKTUALITET
Bastisja e zyrës së Mogherinit dhe dritëhijet e Kolegjit të Evropës në Tiranë, si u 'grabit' godina e QS
PiranjatPërditësimi i fundit 2 Dhjetor 2025, 13:36
Skandali që ka përfshirë selinë e Shërbimit Evropian të Veprimit të Jashtëm (EEAS), hedh hije dyshime edhe mbi veprimtarinë e Kolegjit të Evropës në Tiranë, teksa ky i fundit ka hapur filialin në kryeqytetin shqiptar.
Ishte vetë kryeministri Edi Rama që çeli zyrtarisht vitin e ri akademik 2025 -2026, i cili shënon njëkohësisht vitin e dytë të prezencës së Kolegjit të Tiranës, me pjesëmarrjen edhe të rektores së Kolegjit të Europës në Tiranë, Federica Mogherini, ish shefe e Politikës së Jashtme të BE-së.
Dyshuese është fakti, se Bashkia e Tiranës me vendim të Këshillit Bashkiak i ka dhënë Kolegjit të Evropës një godinë të Qytetit Studenti për qëllime të Kolegjit, duke i spostuar studentët shqiptarë në një godinë tjetër, duke limituar vendet gjithashtu për akomodim, siç tregohet në projektvendimin e Këshillit Bashkiak.
Hetimi penal nga Policia belge, filloi pas akuzave se EEAS dhe Kolegji i Evropës - shkolla prestigjioze e trajnimit pasuniversitar për eurokratët - keqpërdorën paratë publike të BE-së në vitet 2021 dhe 2022, sipas katër personave me njohuri për hetimin.
Bastisjet janë skandali i fundit i madh që godet institucionet e BE-së dhe do të shtojnë presionin mbi Kolegjin e Evropës dhe rektoren e tij, Federica Mogherini, e cila dikur drejtonte EEAS-in dhe filloi një mandat të dytë pesëvjeçar në Bruges këtë vit.
Hetuesit po shqyrtojnë nëse Kolegji i Evropës ose përfaqësuesit e tij kishin dijeni paraprake për një tender publik për të financuar Akademinë e re Diplomatike të BE-së, një program trajnimi vjetor për diplomatët evropianë në Bruges, i cili financohet nga EEAS.
