Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Betonieret ‘bëjnë ligjin’ dhe në Vlorë, qarkullojnë në brendësi të bulevardit
PiranjatPërditësimi i fundit 22 Qershor 2026, 12:52
Me vendim të Bashkisë së Vlorës dhe Këshillit Bashkiak, të gjitha projektet private duhet të pezullohen përgjatë sezonit veror. Gjithashtu, mjetet e tonazhit të rëndë e kanë kategorikisht të ndaluar, përgjatë muajve të verës dhe dimrit, të qarkullojnë në segmentet rrugore të cilat ndodhen në zona urbane tepër të populluara dhe të frekuentuara.
Por në Vlorë, të dyja këto urdhra dhe rregulla shkelen masivisht. Mjetet e tonazhit të rëndë, në pikun e sezonit turistik, qarkullojnë kudo. Urdhrat e vendosura për ndalimin e qarkullimit të tyre nuk zbatohen.
Megjithëse ka qarkullim të rënduar të automjeteve në qytet, mjetet e tonazhit të rëndë futen dhe qarkullojnë edhe në brendësi të bulevardit të Vlorës, ku e kanë në mënyrë kategorike të ndaluar. Ato qarkullojnë edhe në Lungomare, duke ndikuar ndjeshëm në përkeqësimin e trafikut rrugor. Të pashqetësuara, këto mjete qarkullojnë edhe në brendësi të lagjeve të qytetit, si edhe në segmentet lidhëse mes zonave të banuara.
Puna e Policisë Bashkiake në ndalimin dhe evidentimin e këtyre rasteve është inekzistente, pasi për këto mjete gjobat mungojnë dhe ndëshkimet janë minimale. Ligji dhe rregullorja parashikojnë deri në pezullim të lejes së drejtimit dhe sekuestrim të automjetit, por numri i mjeteve që kanë marrë gjoba është shumë më i ulët dhe i papërfillshëm krahasuar me fluksin e mjeteve të tonazhit të rëndë që lëvizin në rrugët e qytetit.
