Tensione janë shënuar gjatë protestës së studentëve dhe pedagogëve para Ministrisë së Arsimit, ku policia ka nd&e...
AKTUALITET
Kolegji i KPA pushon vetingun për gjyqtaren e Korçës
PiranjatPërditësimi i fundit 5 Shkurt 2026, 02:30
Pasi drejtuesi i SPAK, kërkoi lënien në detyrë të gjyqtares së Korçës, Sonjela Voskopi, Kolegji vendosi me shumicë votash të pushojë çështjen, nga për rrjedhojë mori formë të prerë konfirmimi i këtij subjekti rivlerësimi.
Kolegji i Posaçëm i Apelimit, KPA shpalli të enjten më 5 shkurt vendimin për pushimin e gjykimit të çështjes për vetingun e gjyqtares së Korçës, Sonjela Voskopi. Vendimi u mor me shumicë votash, pasi drejtuesi i SPAK kërkoi në përfundim të gjykimit lënien në fuqi të vendimit të Komisionit të Pavarur të Kualifikimit, KPK për konfirmimin në detyrë të Voskopit. Sipas Kolegjit, kërkimi për konfirmimin në detyrë të subjektit është e njëjtë me heqjen dorë nga shkaqet e ankimit, e për rrjedhojë humbet objekti i gjykimit. Pas vendimmarrjes për pushimin e çështjes, konfirmimi i Voskopit mori formë të prerë.
Në ankim dhe gjatë parashtrimeve u kërkua që për Voskopin të vendosej në mënyrë alternative, ndryshimi ose lënia në fuqi e vendimit të KPK për konfirmimin e saj.
Ndërkohë, gjatë konkluzioneve përfundimtare të mërkurën, prokurori Adnan Xholi i cili përfaqësoi drejtuesin e SPAK në këtë çështje, konstatoi se nga verifikimet e kryera në kuadër të vlerësimit të figurës, nuk janë gjetur probleme. Në SPAK nuk ka rezultuar të ketë ndonjë kallëzim apo procedim penal të regjistruar në emër të bashkëjetuesit të subjektit. Po ashtu, nga njohja në burim me informacionin e klasifikuar, nuk janë evidentuar të dhëna që mund të dëmtonin gjyqtaren Voskopi në procesin e rivlerësimit.
Gjetjet e tjera në aspektin profesional dhe për pasurinë, u vlerësuan nga drejtuesi i SPAK, të pamjaftueshme për të sjellë penalizim./ BIRN
