Gjesti
KOSOVË- Katër djem, shqiptarë të Shqipërisë, Kosovës, Maqedonisë së Veriut të cilët jetojn&eu...
AKTUALITET
DEA amerikane operacion në Romë, shkatërrohet banda italo-shqiptare, sekuestrohen kallashnikovë dhe lëndë narkotike, 10 të arrestuar
M.B.Përditësimi i fundit 5 Shtator 2024, 12:32
ITALIA- Një operacion policor me bashkëpunimin e DEA-s amerikane është zhvilluar në Romë. Sipas mediave italiane, nga ky operacion janë arrestuar 10 persona, që i përkisnin një grupi kriminal që merrej me shpërndarjen e narkotikëve, veçanërisht kokainës. Mësohet se operacioni u finalizua me sekuestrimin e mbi 72 kg kokainë të mbërritur nga Ekuadori në portin e Civitavecchia dhe të një plantacioni marijuanë të gjetur brenda një vile në brendësi të Romës.
Gjithashtu mediat italiane shtojnë se u dokumentua blerja nga Spanja e mbi 50 kilogramëve hashash të llojit “polen”, si dhe disa episode të shitjes “me shumicë” të lëndëve narkotike, për mbi 30 kilogramë marijuanë. Banda me në përbërje shqiptarë dhe italianë, drejtonte dhe kryente shpërndarjen e narkotikëve në Romë, ndërsa janë sekuestruar armë zjarri, përfshi edhe kallashnikovë.
Operacioni, i përqendruar në Tor Bella Monaca, filloi mëngjesin e 4 shtatorit. Urdhër-arrestet u firmosën nga Drejtoria e Anti-Mafia në Qarkun e Romës, pas një hetimi mes policisë lokale, me mbështetjen e Shërbimit Qendror të Hetimit të Krimit të Organizuar (SCICO) dhe në bashkëpunim me DEA.
