Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
AKTUALITET
Deklaratat e Berishës ndaj Gonzatos! Socialistët kërkojnë përjashtimin për 30 ditë nga Kuvendi, sot do të mblidhet komisioni i Etikës. PD bojkoton punimet e Kuvendit
PiranjatPërditësimi i fundit 10 Nëntor 2025, 09:05
Sot në orën 14:00 do të mblidhet Sekretariati për Procedurat, Votimet dhe Etikën për të shqyrtuar dy kërkesa disiplinore, njëra nga Partia Demokratike ndaj Taulant Ballës dhe tjetra nga Partia Socialiste ndaj Sali Berishës. Grupi parlamentar i PS-së kërkon përjashtimin e Sali Berishës për 30 ditë, pas deklaratës së tij mbi qëndrimin e ambasadorit Silvio Gonzato ndaj ligjit për barazinë gjinore.
Demokratët nuk do të marrin pjesë në mbledhjet e komisioneve parlamentare që do të zhvillohen ditën e hënë. Vendimi është marrë në orët e fundit dhe u komunikuar përmes një mesazhi nga kryetari i grupit parlamentar, Gazment Bardhi, i cili u ka dërguar udhëzime deputetëve të PD-së.
NJOFTIM I RËNDËSISHËM:
1. Nesër, e hënë, datë 10.11.2025, në mbledhjen e Grupit Parlamentar, ora 12:30, NUK duhet të mungojë askush! 2. Nesër, e hënë, derisa të jetë mbledhur dhe të ketë vendosur grupi parlamentar, ASNJË deputet NUK MERR PJESË në mbledhjet e Komisioneve Parlamentare. Ky do të jetë një reagim i përkohëshëm i grupit parlamentar nisur nga situata e krijuar në senacën e fundit, derisa Grupi Parlamentar të ketë diskutuar dhe marrë një vendim final. Pra, nesër NUK shkojmë në mbledhjet e Komisioneve Parlamentare.
