Protesta e studentëve në Universitetin “Aleksandër Moisiu” në Durrës është shfaqur edhe në ambientet e kam...
AKTUALITET
Kryebashkiaku i Gjirokastrës del pas tre orësh nga SPAK: Dhashë deklaratë si person në dijeni
PiranjatPërditësimi i fundit 5 Shkurt 2026, 15:46
Kryetari i Bashkisë së Gjirokastrës, Flamur Golemi, është paraqitur këtë të enjte në Prokurorinë e Posaçme kundër Korrupsionit dhe Krimit të Organizuar (SPAK).
Në dalje nga ambientet e SPAK, Golemi u shpreh për mediat se ka dhënë një deklaratë në cilësinë e personit në dijeni për një çështje që lidhet me një institucion në varësi të Bashkisë së Gjirokastrës.
“Dhashë një deklaratë si person në dijeni për një çështje që ka të bëjë me një institucion të bashkisë Gjirokastër”, tha ai.
Ai nuk dha detaje të tjera lidhur me çështjen për të cilën është thirrur, ndërsa nga SPAK nuk ka ende një njoftim zyrtar mbi këtë paraqitje.
Golemi është pyetur për një skemë të dyshuar korrupsioni me tenderat e Bashkisë Gjirokastër.
Dyshimet janë se Golemi është përfshirë në një skemë korrupsioni me vlerë 620 mijë euro, me biznesmenët Ferdinant Çaushi dhe Isuf Meçi, me tenderin me objekt rikonstruksion i godinës ekzistuese dhe shkallës së emergjencës dhe dhomës teknike në shkollën 9-vjeçare ‘Urani Rumbo’ të Gjirokastrës. Në tetor të vitit 2025, Bashkia Gjirokastër ka shpallur fituese kompanitë Ina shpk të Ferdinat Çaushit dhe Eurobeton të Isuf Meçit për rikonstruksionin e shkollës ‘Urani Rumbo’. Fondi limit ishte 780 mijë euro, ndërsa oferta fituese rezulton 620 mijë euro.
Deri në këtë fazë gjithçka duket mëse normale, por skandali del te zbatimi i këtij projekti rikonstruksioni. Kontratën për rikostruksionin e shkollës ka nisur t’a zbatojë Bashkia e Gjirokastrës me punonjësit e saj, pavarësisht se paratë i kishin marrë biznesmenët Çaushi dhe Meçi. Thënë ndryshe në objektin në fjalë kanë shkuar duke kryer punime ekipe të Bashkisë Gjirokastër në vend të dy kompanive të kontraktuara, fituese të tenderit 600 mijë euro, para këto të cilat dy biznesmenët dyshohet se i kanë ndarë me Flamur Golemin.
Skema është sa e thjeshtë aq edhe flagrante dhe sfiduse për drejtësinë. Tenderin e kanë fituar kompanitë Ina shpk dhe Euro Beton shpk, ndërsa punimet i ka kryer Bashkia Gjirokastër, duke zbatuar praktikisht kontratën për të cilën ka paguar dy kompanitë në fjalë.
Ferdinant Çaushi dhe Isuf Meçi dyshohet se janë pjesë e klientelës së Flamur Golemit, pasi më herët kanë marrë me pazar në tavolinë edhe tenderin 400 mijë euro për rikonstruksionin e rrugës Zhulat Gjirokastër loti I.
