Një 40-vjeçar ka humbur jetën këtë të shtunë pasi ka rënë në një humnerë në zonën e L&eu...
AKTUALITET
Denoncimi: Shoferi i shkeli këmbën fëmijës që po lypte, i dha para dëshmitarëve për t’i mbyllur gojën
PiranjatPërditësimi i fundit 20 Shtator 2025, 14:09
Një ngjarje e rëndë ka ndodhur në zonën e Paskuqanit, në rrugën Dine Hoxha, ku një automjet, me sjellje të papërgjegjshme, ka lënduar një fëmijë të mitur që endet çdo ditë në rrugë duke lypur.
Sipas dëshmive, mjeti i ka shtypur këmbën. Ajo që ndodhi pas përplasjes e bën ngjarjen edhe më skandaloze. Në vend që të ndalonte e ta ndihmonte, siç do të duhej të bënte çdo njeri i arsyeshëm, kanë zgjedhur një rrugë tjetër, duke zgjatur dorën nga dritarja dhe duke i ofruar para fëmijës së plagosur, sikur paratë të mund të fshihnin fajin apo të shëronin plagën.
Por, përçmimi i tij ndaj ligjit dhe njerëzores nuk mbaron këtu. Sipas dëshmitarit, shoferi ka tentuar të “blejë” edhe heshtjen e qytetarëve që panë gjithçka me sytë e tyre, duke u ofruar para që të mos e denonconin rastin. Ky veprim tregon jo vetëm mungesë përgjegjësie, por edhe bindjen e rrezikshme se gjithçka mund të blihet me para madje edhe jeta e një fëmije.
Ky rast është pasqyrë e një realiteti të dhimbshëm, fëmijët e mitur, të lënë në mëshirë të fatit e pa asnjë mbrojtje institucionale, rrezikojnë përditë jetën në rrugët e Tiranës, mes trafikut të pakontrolluar, indiferencës së autoriteteve si dhe mungesës së humanitetit./joq
