Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
AKTUALITET
Detaje të reja nga vrasja e shqiptarit në Greqi/ Atentati, para syve të nipit të viktimës
PiranjatPërditësimi i fundit 7 Tetor 2025, 10:04
Një ngjarje e rëndë që ndodhi dy ditë më parë në Foinikounta të Mesinisë në Greqi, ku mediat greke raportuan se pronari grek i një kampingu dhe punonjësi i tij shqiptar, u qëlluan për vdekje para syve të nipit të pronarit grek, i cili i ka shpëtuar atentatit.
Autori i krimit nuk është gjetur ende nga policia, ndërsa motivet e plagosjes së dyfishtë ende nuk janë të qarta. Policinë greke po mban të hapura të gjitha mundësitë pa përjashtuar asgjë, as motive personale dhe as skenarë më kompleksë. Autoritetet greke thanë se autori i krimit mbërriti në kamping me një kamionçinë më pas hyri në biznesin ku ndodheshin dy viktimat dhe i ekzekutoi me gjakftohtësi.
Policia greke nuk ka gjetur asnjë gëzhojë në vendngjarje, gjë që përforcon vlerësimin se arma e vrasësit ishte një revolver. Pronari grek u vra në vend, brenda zyrës së biznesit, ndërsa shqiptari u përpoq të arratisej, por autori e qëlloi atë pas shpine duke e vrarë. Kamerat e sigurisë në zonë kanë kapur autorin teksa largohej me motor drejt fshatit Koryfasi, por pamjet janë të paqarta dhe targat nuk dallohen. Autori thuhet se kishte veshur një bluzë me mëngë të gjata dhe nuk e kishte fytyrën të mbuluar. Nipi i pronarit grek ishte gjithashtu në vendin e krimit, i cili i shpëtoi mrekullisht atentatit. Dëshmitari nuk e ka identifikuar autorin.
Autoritetet po shqyrtojnë të gjitha skenarët e mundshëm, ndërsa njerëz të afërt me dy viktimat pritet të japin deklarata, pasi motivi i vrasjes mbetet i paqartë.
