Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
AKTUALITET
Deti i 'mbytur' nga plehrat/ Porto Palermo, zonë e mbrojtur e kthyer landfill nënujore
PiranjatPërditësimi i fundit 7 Shtator 2025, 14:39
Pamjet e sjella aktori dhe prezantuesi Gentian Zenelaj nga Porto Palermo – një zonë e shpallur “e mbrojtur” – tregojnë një realitet tronditës: Fundi i detit është i mbuluar me shishe plastike, goma makinash dhe mbeturina të tjera urbane. Ajo që duhet të ishte një perlë natyrore e rivierës shqiptare, është shndërruar në një landfill nënujore.
“E njëjta situatë përsëritet kudo në Shqipëri, nga jugu në veri. Të njëjta pamje gjenden edhe në lumenj e liqene. Gjatë gjithë eksplorimeve të mia nuk kam parë në asnjë vend të botës këtë nivel ndotjeje,” – shprehet Zenelaj, duke e cilësuar shqiptarët si “armiqtë më të mëdhenj të natyrës sonë”.
Ky është një alarm serioz për mjedisin, turizmin dhe shëndetin publik. Zona të shpallura të mbrojtura janë lënë pa kujdes, ndërsa mungesa e menaxhimit të mbetjeve ka kthyer detin në një kosh plehrash. Ndërkohë, miliona euro për turizmin e qëndrueshëm dhe imazhin e Shqipërisë si “perlë e Mesdheut” duken të zhytura bashkë me shishet e plastikës në fundin e detit.
Shqipëria përballet sot me një pyetje të madhe: A do të vazhdojmë ta shkatërrojmë me duart tona natyrën që na jep bukuri dhe jetë, apo do të marrim më në fund masa të vërteta për ta mbrojtur?/Piranjat.al
