Një oficer kontakti, pranë Ambasadës Austriake në Tiranë, ka kryer një vizitë pune në Prokurorinë e Tiranës,...
AKTUALITET
Dhuna ndaj gazetarit Elton Tozaj, reagon UGSH: Akt kriminal që duhet zbardhur dhe autorët të ndëshkohen
PiranjatPërditësimi i fundit 27 Dhjetor 2025, 19:46
Unioni i Gazetarëve Shqiptarë ka reaguar me shqetësim dhe tronditje lidhur me dhunimin e gazetarit Elton Tozaj, ngjarje e raportuar nga disa media dhe e konfirmuar nga familjarët e tij.
Sipas njoftimit të UGSH, ngjarja e rëndë ka ndodhur në autostradën Tiranë–Durrës dhe është vërejtur nga dhjetëra kalimtarë.
Dhuna e ushtruar ndaj gazetarit cilësohet si akt kriminal dhe i papranueshëm.
Familjarët bëjnë me dije se, si pasojë e dhunimit, gazetari Elton Tozaj ndodhet në gjendje të rënduar shëndetësore dhe po lufton për ruajtjen e shikimit.
UGSH i bën thirrje institucioneve përgjegjëse për sqarimin zyrtar dhe të plotë të këtij episodi, si dhe për ndëshkimin e autorëve të dhunës.
Njëkohësisht, Unioni i uron kolegut shërim të shpejtë dhe të plotë.
Reagimi i plotë:
Deklaratë e Unionit të Gazetarëve Shqiptarë
Dhuna ndaj gazetarit Elton Tozaj, akt kriminal që duhet zbardhur dhe autorët të ndëshkohen
UGSH ndan me shqetësim dhe tronditje lajmin e publikuar nga shumë media dhe familjarë të gazetarit Elton Tozaj, për dhunimin barbar që persona të identifikuar kanë kryer mbi kolegun.
Ngjarja e ndodhur në autostradën Tiranë-Durrës, e vërejtur nga dhjetra kalimtarë, përbën një akt kriminal dhe dhunues.
Gazetari Tozaj për këtë arsye, sipas familjarëve, ndodhet në gjendje të rënduar shëndetësore dhe në luftë për ruajtjen e shikimit.
UGSH kërkon sqarimin zyrtar të këtij episodi dhe ndëshkimin e dhunuesve, sikundër i urojmë kolegut shërim të shpejtë dhe të plotë!
