Ish-zëvendëskryeministres Belinda Balluku iu komunikua sot shtyrja e hetimeve nga ana e SPAK deri më janar të vitit 2027. Siç shihe...
AKTUALITET
Dhuna ndaj kryetarit të Shoqatës së Operatorëve Turistikë Arben Çipës në Sarandë, gjykata liron njërin prej autorëve
M.B.Përditësimi i fundit 23 Shkurt 2025, 16:10
SARANDA-37-vjeçari Diomet Musa, autor i dyshuar i plagosjes së biznesmenit 52-vjeçar Arben Çipa alias Sotir Çipa, Kryetar i Shoqatës së Operatorëve Turistikë, është lënë i lirë. Bëhet me dije se pas thuajse 48 orëve nga arrestimi, Musa është paraqitur para Gjykatës së Sarandës rreth orës 14.00 të së dielës.
Ai është i dyshuar për veprën penale “plagosje e rëndë me dashje” në bashkëpunim, për goditjen me grushte, shkelma dhe sende të forta të biznesmenit Arben Cipa, rreth orës 14.10 të së premtes. Pas ngjarjes, Musa u fsheh në një banesë në Lukovë, ku edhe u kap nga policia në mbrëmje, ndërkohë që në kërkim mbetet kushëriri i tij 29-vjeçar Markelian Musa.
Bëhet me dije se Prokurorja Besiana Sadikaj ka kërkuar cilësimin të ligjshëm të arrestimit në flagrancë të 37-vjeçarit Diomet Musa, por edhe lirimin e tij dhe caktimin e masës së sigurimit “Arrest në shtëpi”, për veprën penale “plagosja e rëndë me dashje”, kryer në bashkëpunim. Nuk dihet ende se si është motivuar kjo masë sigurimi nga ana e Prokurorisë.
Nga ana tjetër, Gjyqtarja Esmeralda Shehu, ka vendosur vlerësimin të paligjshëm të arrestimit në flagrancë të të dyshuarit dhe caktimin e masës së kërkuar nga Prokurorja, atë “Arrest në shtëpi”, duke urdhëruar që i dyshuari mos të largohet nga banesa e tij në Sarandës.
