Ditën e Hënë vendi ynë parashikohet të ndikohe nga kushte atmosferike të qëndrueshme.
Moti parashikohet i kthjellët p...
AKTUALITET
Dhuna ndaj Sokol Mëngjesit/ Dhoma e Avokatëve në Durrës bojkotojnë seancat gjyqësore: Ndihemi të nëpërkëmbur!
n.fPërditësimi i fundit 3 Qershor 2024, 13:59
Foto ilustruese
DURRËS- Gjykata e Durrësit nga dita e sotme e në ditët në vijim do të zhvillojë vetëm seancat për dhënien e masave të sigurisë. Të gjitha seancat e tjera për çështje civile apo penale do të shtyhen për një afat tjetër, për shkak të bojkotit një javor, të vendosur nga Dhoma e Avokatisë Durrës.
Mësohet se ky vendim nga Dhoma e Avokatisë Durrës ka ardhur pas lënies së avokatëve jashtë dyerve të gjykatës, deri në nisje të seancave ka nxitur reagimin e këtyre të fundit. Vendimi i Gjykatës së shkallës së parë Durrës u është komunikuar verbalisht avokatëve dhe jo përmes një shkrese zyrtare.
Rreth 500 seanca gjyqësore të parashikuara për t’u zhvilluar në gjykatë, rrezikojnë të dështojnë, pasi avokatët shprehen në unison me vendimin e marrë nga Dhoma, sepse ndihen të diskriminuar dhe nëpërkëmbur. Krahas kësaj problematike, avokatët evidentojnë një tjetër shqetësim, që ka të bëjë me mbajtjen e seancave gjyqësore me dyer të mbyllura.
Nisur nga rasti i dhunimit të avokatit Sokol Mëngjesi në Tiranë, ditë më parë, avokatët deklarojnë se ky trajtim i tyre nga institucionet shtetërore i hap rrugën veprimeve të tjera të ngjashme. Nëse gjatë këtyre ditëve, Gjykata nuk do të ndryshojë qëndrim, Dhoma e Avokatëve Durrës paralajmëron përshkallëzimin e veprimeve të saj.
