Protestat studentore në Shqipëri kanë marrë përmasa ndërkombëtare. Çdo ditë media ndërkombëtare rapor...
AKTUALITET
Dhunoi barbarisht berberin grek për modelin e flokëve, flet 25-vjeçari shqiptar: Më shikonte nga pasqyra dhe tallej me mua
PiranjatPërditësimi i fundit 10 Shkurt 2026, 18:38
I riu shqiptar 25-vjeçar, i cili goditi me shkop gome një berber grek në Pylos, ka rrëfyer versionin e ngjarjes. Sipas 25-vjeçarit që sulmoi berberin, gjithçka ndodhi sepse berberi e tallte atë së bashku me një punonjës të një dyqani ngjitur. “E godita, por në atë moment isha shumë i nervozuar. E godita disa herë me shkopin e gomës që kisha. Vetë e hodha, nuk më ra nga duart”, thotë i riu.
“Berberi më tallte”
“Ky person më ka prerë flokët edhe herë të tjera dhe i ka prerë mirë. Atë ditë, kur shkova dhe u ula, në fillim u soll mirë me mua. Më pas filloi të bënte shaka me dyqanin ngjitur. Hyri tjetri brenda dhe i thotë: “ma prit edhe mua”, dhe berberi i thotë: “ulu edhe ti”.
Unë i thashë: “dil jashtë”. E nxora jashtë. Pas kësaj, berberi vazhdoi të më shikonte në pasqyrë. Më shikonte me një sy… qeshte. Në një moment ndez makinën e prerjes, unë nuk i kushtova vëmendje, shtrëngoja buzët dhe thosha: të shohim deri ku do shkojë. Në një moment merr makinën dhe fillon këtu përpara, te balluket, që normalisht nuk pritet me makinë. E pret. I kap dorën dhe i them: “çfarë po bën aty?”, “do ta rregulloj”, më thotë. Tjetri nuk e pa sepse e nxora jashtë, por po të mos e kisha nxjerrë, kjo shaka do të vazhdonte”, rrëfen 25-vjeçari.
Më tej, autori i sulmit shton se “tjetri rrinte jashtë dhe qeshte me atë që ishte brenda, ndërsa unë shtrëngoja buzët sepse në atë moment isha ulur në karrige. Nuk mund të bëja asgjë. Kur shkoj në shtëpi, kuptoj se jo vetëm përpara nuk ishte bërë ashtu siç thashë. Edhe mbrapa në kokë, kishte bërë çfarë t’i vinte ndër mend. I nervozuar, kthehem në dyqan.
E godita, e pranoj që e godita, nuk është zgjidhje, e di, por në atë moment isha shumë i nervozuar. E godita disa herë me shkopin e gomës që kisha, e hodha vetë, nuk më ra nga duart, e hodha vetë, dhe vazhdova ta godisja edhe pak me grushte”.
Sulmi me shkop
Një kamera sigurie ka filmuar sulmin moment pas momenti. Berberi 51-vjeçar i afrohet dhe më pas i riu me kapele në kokë, nxjerr shkopin dhe fillon ta godasë. Me dorën e djathtë të ngritur, në përpjekje për të larguar goditjet, berberi vrapon për t'u larguar. 25-vjeçari që shpërtheu në këtë mënyrë u dënua me një dënim me kusht prej 3 vitesh e 6 muajsh burg.
I riu u arrestua për lëndime të rrezikshme trupore, fyerje, dëmtim të pronës së tjetrit dhe shkelje të ligjit të armëve. Dokumenti video i sulmit dhe përshkrimet diametralisht të kundërta të protagonistëve ndezin diskutime për një ditë rreth asaj që ndodhi në Pylos dhe më gjerë. /PiranjatNews/
