Një zjarr në një sipërfaqe pyjore midis fshatrave Andon Poçi dhe Hundëkuq, është konstatuar këtë mbrë...
AKTUALITET
Dhunoi e kërcënoi bashkëjetuesen dhe fëmijën e mitur, arrestohet 45-vjeçari në Cërrik, iu gjetën në banesë tritol e armë zjarri
S.BPërditësimi i fundit 25 Qershor 2024, 10:37
pamje nga ngjarja
CËRRIK- Arrestohet një 45-vjeçar dhe babai i tij në Cërrik. Mësohet se 45-vjeçari V.K, ka dhunuar dhe kërcënuar me jetë bashkëjetuesen dhe fëmijën e saj të mitur.
Pas një kontrolli, në shtëpinë e babait të 45-vjeçarit janë gjetur dhe sekuestruar 2 kallëpe tritol, një pushkë, një armë gjahu, një thikë dhe municion luftarak. Me këtë rast është arrestuar edhe babai 71-vjeçar Z.K.
Bashkëjetuesja e autorit dhe fëmija e saj janë pajisur me urdhër mbrojtjeje, si dhe po marrin asistencën e nevojshme në një qendër sociale.
Njoftimi i Policisë:
Cërrik/Reagimi i Policisë menjëherë pas kallëzimit të një shtetaseje, parandalon ngjarje të mundshme kriminale në një familje.
Dhunoi bashkëjetuesen dhe fëmijën e saj të mitur, si dhe i kanosi ata për jetën, arrestohet 45-vjeçari.
Arrestohet dhe babai i 45-vjeçarit, pasi iu gjetën në banesë lëndë plasëse, armë dhe municion.
Menjëherë pas kallëzimit të një shtetaseje, se ajo dhe fëmija i saj i mitur, dhunoheshin dhe kanoseshin për jetën, nga bashkëjetuesi i saj, shërbimet e Komisariatit të Policisë Cërrik, në kuadër të operacionit policor të koduar “Risku”, kanë mundësuar kapjen dhe vënien në pranga të autorit të këtij rasti, shtetasit V. K., 45 vjeç.
Gjatë këtij operacioni është vënë në pranga dhe babai i 45-vjeçarit, shtetasi Z. K., 71 vjeç, pasi nga kontrolli në banesën dhe në automjetin e tij, Policia ka gjetur dhe sekuestruar me cilësinë e provës materiale, 2 kallëpe tritoli, 1 armë zjarri pushkë, 1 armë gjahu, municion luftarak dhe 1 mjet prerës (thikë).
Me qëllim trajtimin e plotë të këtij rasti, kallëzueses dhe fëmijës së saj të mitur iu janë plotësuar kërkesëpaditë për urdhra të mbrojtjes së menjëhershme dhe janë dërguar në qendrën sociale “Forumi i Gruas”, Elbasan, për të marrë asistencën e nevojshme.
Materialet procedurale i kaluan Prokurorisë, për veprime të mëtejshme.
