Kristjan Asllani është rikthyer me Interin për fazën përgatitore në Gjermani, por e ardhmja e mesfushorit shqiptar te klubi zika...
AKTUALITET
Dhunuan një qytetar në Burrel, procedohen dy efektivët e policisë (EMRAT)
b.zPërditësimi i fundit 19 Shkurt 2025, 11:52
AMP
BURREL - Dy vëllezër, efektivë policie, janë ndaluar pasi akuzohen se janë përfshirë në një konflikt të dhunshëm duke rrahur një qytetar në Burrel.
Sipas njoftimit të AMP, është ndaluar efektivi Avni Uka, me detyrë Patrullë e Përgjithshme pranë Komisariatit të Policisë Dibër, i dyshuar për veprën penale “Shpërdorim i detyrës” si dhe efektivi Sulltan Uka, me detyrë në Komisariatin e Policisë Mat, është proceduar në gjendje të lirë për veprat penale “Prishje e qetësisë publike” dhe “Vetëgjyqësia”.
Bëhet me dije se dy vëllezërit kanë dhunuar për motive të dobëta një person në qytetin e Burrelit. Organet hetimore po vijojnë hetimet për të zbardhur plotësisht rrethanat e ngjarjes.
Njoftimi i AMP
Dibër -Agjencia e Mbikëqyrjes Policore (Rajoni Kukës - Dibër) ka ndaluar me iniciativë punonjësin e policisë A. U., me detyrë Patrullë e Përgjithshme pranë Komisariatit të Policisë Dibër, i dyshuar për veprën penale “Shpërdorim i detyrës”, si dhe referoi materialet proceduriale në gjendje të lirë për punonjësin e policisë S. U., me detyrë Patrullë e Përgjithshme pranë Komisariatit të policisë Mat, i dyshuar për veprat penale “Prishje e qetësisë publike” dhe “Vetëgjyqësia”.
Nga veprimet e para hetimore të kryera nga AMP, janë krijuar dyshimet e arsyeshme të bazuar në prova e fakte, se dy punonjësit e policisë (vëllezër), janë përfshirë në një konflikt për motive të dobëta me shtetasin A. K., në qytetin e Burrelit, ku kanë tentuar të vetësqarojnë situatën duke përfunduar në veprime të dhunshme dhe të rrezikshme për shendetin e shtetasit.
Organet hetimore po vijojnë hetimet për të zbardhur plotësisht rrethanat e ngjarjes.
