DINAMIKA/ Aksidenti në Fushë-Prezë, nga automjeti me impiant benzinë-gaz, ndriçimi i rrugës e deri te sinjalet e betonieres, çfarë dihet për ngjarjen që i mori jetën 4 të rinjve?

FUSHË-PREZË- Një aksident tragjik ka ndodhur mbrëmjen e djeshme rreth orës 23:50 në Fushë-Prezë ku humbën jetën 4 të rinj të moshës 20-25 vjeç. Viktimat janë identifikuar si Enejdi Laçi, Erildi Laçi, Andi Laçi dhe Enrikejd Kurti. Sias informacioneve, pranë vendit ku ndodhi ngjarja gjendet pika e betonit dhe betonieria me të cilën u përplas automjeti sapo kishte dalë në rrugë.

Automjeti tip "Benz" me të cilin udhëtonin 4 të rinjtë ka qenë në lëvizje teska ka ardhur nga pas dhe e ka goditur betonieren. "Benz-i" ka shpërthyer menjëherë në flakë, duke u marrë jetën 4 të rinjve, që u dogjën brenda makinës. Ndërkohë shoferi i betonieres, 24-vjeçari Aleksandër Krrashi, i cili pas aksidentit ishte larguar nga vendi i ngjarjes dhe u shoqërua më vonë nga policia. 

Aktualisht bëhet me dije se autoritet po hetojnë nëse betoniera ka pasur sinjale "STOP" nga pas. Gjithashtu mësohet se automjeti tip "Benz" ka qenë me impiant benzinë-gaz, që mendohet të jetë edhe shkau i shpërthimit të zjarrit menjëherë pas përplasjes. Një detaj tjetër që mund të ketë ndikuar në aksident, është edhe fakti se rruga nuk ishte e ndriçuar.

Sipas informacioneve, ka qenë një patrullë policie ajo që ka konstatuar aksidentin duke njoftuar zjarrëfikësen e Fushë-Krujës, e cila e ka pasur të pamundur shuarjen e flakëve dhe më pas është kërkuar dhe ndërhyrja e zjarrfikëses nga Tirana.

aksidenti