Drejtonin automjetin dhe motomjetin pa patentë, procedohen në gjendje të lirë dy persona në Fier

foto ilustruese

FIER- Procedohen në gjendje të lirë tre persona në Fier. Bëhet me dije se është proceduar 59-vjeçari A.M pasi drejtonte motomjetin pa patentë dhe targa, ku humbi kontrollin dhe doli nga rruga.

Procedohet gjithashtu edhe një i mitur pasi drejtonte automjetin pa patentë duke humbur kontrollin e duke dalë nga rruga. Një 28-vjeçar është proceduar i lirë pasi hodhi një bisht cigareje në tokë e si pasojë është djegur një sipërfaqe toke.

Njoftimi i Policisë:

Drejtoria Vendore e Policisë Fier

Policia Rrugore referoi materialet në Prokurori ku nisi procedimi në gjendje të lirë për shtetasit:

-A. M., 59 vjeç, banues në fshatin Grykë, pasi duke drejtuar pa leje drejtimi, një motomjet pa targa, ka humbur kontrollin dhe motomjeti ka dalë nga rruga; 

  -një shtetas të mitur, 17 vjeç, pasi duke drejtuar automjetin, pa leje drejtimi, ka humbur kontrollin, dhe automjeti ka dalë nga rruga. Si pasojë, është dëmtuar lehtë 17-vjeçari.

Komisariati i Policisë Divjakë referoi materialet në Prokurori ku nisi procedimi në gjendje të lirë për shtetasin A. B., 28 vjeç, banues në fshatin Gërmenjë e Vogël, pasi dyshohet se ka hedhur në tokë një bisht cigareje dhe si pasojë është djegur një sipërfaqe toke.  

Materialet procedurale i kaluan Prokurorisë, për veprime të mëtejshme.

fier