Sindikata e Punonjësve të Universiteteve të Shqipërisë (SPUSH) i është bashkuar reagimeve ndaj dhunës policore ndaj st...
AKTUALITET
Droga po transportohej nga Gjermania në Itali/ Kapen në flagrancë dy trafikuesit nga autoritetet italiane, mes tyre edhe një shqiptar, banda do përfitonte mbi 1 milionë euro nga shitja e kokainës
n.fPërditësimi i fundit 9 Korrik 2024, 19:26
Operacioni
ITALI- Një operacioi antidrogë është regjistruar së fundmi në Itali ku bë i mundur kapja e disa kilogramëve drogë që po futeshin në territorin italian nga Gjermania. Sipas mediave të huaja nga ky operacion janë sekuestruar 8.5 kilogramë kokainë të fshehura brenda një makine me targa italiane që ka dalë nga Shtutgarti dhe ka ndaluar në Silandro, në Val Venosta.
Ndërkohë në lidhje me ngjarjen janë arrestuar një shtetas italian dhe një shqiptar. Lënda narkotike, e hedhur në treg mësohet se do të sillte rreth 1 milion e gjysmë euro fitime. Gjatë një shërbimi të kontrollit ekonomik të territorit dhe luftës kundër trafikut të drogës të kryer në zonën e Silandro, Fiamme Gialle e Silandro Tenenza ndaloi dhe kontrolloi makinën që vinte nga Shtutgarti.
Dy trafikantët kanë shfaqur menjëherë shenja nervozizmi dhe kanë dhënë arsyetime kontradiktore. Policia, duke parë nervozizmin e trafikuesve vendosën të vijojnë me kontrollin e mjetit me ndihmën e njësisë së qenve të grupit Bolzano.
Më pas nga kontrollet me qen në mjet u zbulua edhe sasie e drogës e cila u sekuestrua. Hulumtimi i përpiktë i kryer nga financierët çoi në zbulimin e 8 blloqeve që përmbanin gjithsej 8.5 kg kokainë të fshehura me zgjuarsi brenda automjetit. Lënda narkotike, e cila sapo hidhej në treg do të jepte rreth 1.5 milionë euro , dhe makina u sekuestrua dhe dy personat u shoqëruan në burgun e Bolzanos.Po vijojnë hetimet për të kuptuar nëse ka lidhje të mundshme mes kapjes së mëparshme të hashashit dhe asaj të kokainës, trafiku ndërkombëtar i së cilës të dyja kanë origjinën në Gjermani.
