Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
AKTUALITET
“Dua 100 mijë euro ose do të të publikoj video intime”/ Arrestohet 37-vjeçari që shantazhoi një 26-vjeçare
PiranjatPërditësimi i fundit 9 Shkurt 2026, 11:55
Policia e Tiranës, arrestoi një 37-vjeçar i cili dyshohet se kanosi një vajzë duke i kërkuar 100 000 euro, në të kundërt do ti publikonte videot intime.
Pas denoncimit të qytetares, policia ka arrestuar menjëherë H. L., 37 vjeç, banues në Kosovë.
Njoftimi i policisë:
DVP Tiranë/Finalizohet operacioni i koduar “Privatësia”. Kanosi një shtetase, për t’i dhënë 100 000 euro, që të mos i publikonte në rrjete sociale, foto/video me përmbajtje intime, arrestohet shtetasi kosovar.
Menjëherë pas indicjes se një shtetas kanoste nëpërmjet thirrjeve/mesazheve në një platformë një 26-vjeçare, që t’i jepte 100 000 euro, për të mos i publikuar në rrjete sociale, foto/video me përmbajtje intime, specialistët e Seksionit për Hetimin e Krimeve ndaj Pronës organizuan punën dhe në kuadër të operacionit “Privatësia”, kapën dhe u vunë në pranga autorin e dyshuar të rastit, shtetasin kosovar: -H. L., 37 vjeç, banues në Kosovë.
Materialet procedurale iu referuan Prokurorisë së Tiranës, për veprime të mëtejshme, për veprën penale “Shtrëngimi me anë të kanosjes ose dhunës për dhënien e pasurisë”.
