Kristjan Asllani është rikthyer me Interin për fazën përgatitore në Gjermani, por e ardhmja e mesfushorit shqiptar te klubi zika...
AKTUALITET
"Duhen 45 vjet që të mbushen mbi 52 mijë banesat që janë bosh", Xama : Ajo që është bërë me ndërtimin është krim ekonomik, mjedisor, shëndetësor dhe social
r.llPërditësimi i fundit 31 Tetor 2024, 17:42
ola xama
TIRANË- Gazetarja Ola Xama thotë se sipas të dhënave të Censit 2023 në nivel qarku dhe bashkie, rezulton se në qarkun Tiranë janë 85 457 shtëpi të pabanuara, ndërsa në bashkinë Tiranë janë 52 871 shtëpi. Në një postim në Facebook, Xama shkruan se këto të dhëna duke patur si tregues konsumin e energjisë 1 vit më parë, konstatuan se afërsisht 51 mijë aparatemente në kryeqytet janë bosh.
Gazetarja thotë se numri i apartamenteve boshe u kundërshtuan në dhjetra mënyra, ndërsa thotë se nga një llogaritje e thjeshtë e të dhënave zyrtare të INSTAT, qytetit nuk i shtohen dot më shumë se 1.132 familje në vit, ndërsa volumi i lejeve të ndërtimit që jepet për rezidenca banimi shton ofertën çdo vit me të paktën 8 mijë shtëpi. Pra që të mbushen 52 871 banesat që janë bosh, do të duhen 45 vjet edhe sikur ritmi i rritjes së popullsisë të mbetet i pandryshuar.
POSTIMI I PLOTË:
Sipas të dhënave të sapo publikuara të Censusit 2023 në nivel qarku dhe bashkie, rezulton se në qarkun Tiranë janë 85 457 shtëpi të pabanuara, ndërsa në bashkinë Tiranë janë 52 871 shtëpi.
Të dhënat e publikuara duke patur si tregues konsumin e energjisë 1 vit më parë, konstatuan se afërisht 51 mijë aparatemente në kryeqytet janë bosh.
Këto shifra u kundërshtuan në dhjetra mënyra, duke i ndarë herë në njësi tregtare, herë në shtëpi të braktisura, e herë duke thënë se kemi shtuar lidhjet e kontratave të ujit.
Tashmë është zyrtare nga vetë INSTAT: numri i popullsisë në kryeqytet është rritur me 40.754 banorë (2011-2023), ose mesatarisht 3.396 banorë në vit. Pjestuar për 3 që është numri mesatar i anëtarëve të familjeve për Tiranën, qytetit nuk i shtohen dot më shumë se 1.132 familje në vit, ndërsa volumi i lejeve të ndërtimit që jepet për rezidenca banimi shton ofertën çdo vit me të paktën 8 mijë shtëpi.
Vetëm që të mbushen 52 871 banesat që janë bosh, sikur ritmi i rritjes së popullsisë të mbetet i pandryshuar, do të duhen 45 vjet! Ajo që kanë bërë me ndërtimin është krim ekonomik, mjedisor, shëndetësor dhe social. Mos e thelloni më krimin.
