Sot vendi ynë do të jetë nën ndikimin e masave ajrore relativisht të qëndrueshme dhe të nxehta.
Moti parashikohet kryesish...
AKTUALITET
Dyshohet për disa të shoqëruar për krimet zgjedhore/ Altin Dumani largohet nga Prokuroria e Shkodrës, pritet të ndalet edhe në Lezhë
r.llPërditësimi i fundit 8 Maj 2025, 12:50
pamje nga prokuroria e shkodres
SHKODËR- Kreu i Prokurorisë së Posaçme, Altin Dumani ka zhvilluar ditën e sotme takime me drejtuesit e Prokurorisë së Shkodrës. Takimet e Dumanit vijnë në kuadër të parandalimit të krimeve zgjedhor. Theksi në takimet e zhvilluara është vënë tek parandalimi i krimeve zgjedhore, ndërsa raportohet se Dumani ka deklaruar se SPAK ka procedime konkrete lidhur me këtë çështje.
Dumani ka kërkuar që në rastet kur ka akuza apo deklarata publike për shitblerje vote, personat që bëjnë këto akuza të thirren për të bërë kallëzim në polici dhe prokurori dhe të mos neglizhohen si raste. Gjithashtu ka kërkuar që policia dhe prokuroria të jenë sa më vigjilente në ditët e fundit të fushatës elektorale.
Dyshohet se ka persona të shoqëruar në polici lidhur me krimet zgjedhore, ndërsa pritet të ketë një komunikim zyrtar nga autoritetet. Ndërkohë bëhet po ashtu me dije se pas Shkodrës, Dumani do të ndalet edhe në qytetin e Lezhës. Në Lezhë, kreu i SPAK pritet të zhvillojë takim me Task Forcën për krimet zgjedhore, ku pjesë do të jenë edhe drejtuesit e policisë.
