Dyshohet se pengoi lëvizjen e automjetit të Bashkisë Tiranë që po transportonte dokumente, nën hetim Adriana Kalaja

TIRANA- Prokuroria ka nisur hetime ndaj aktivistes Adriana Kalaja, pasi dyshohet e ka ka penguar lëvizjen e një automjeti në pronësi të Bashkisë Tiranë, me të cilin po transportoheshin dokumente. Sipas policisë, dokumentet po transportoheshin nga Bashkia te Drejtoria e Përgjithshme e Arkivave. 

Në fakt ka qenë Bashkia e Tiranës që ka depozituar kallëzimin penal ndaj Adriana Kalajës. Sipas kallëzimit të dorëzuar nga Drejtoria e Sigurisë së Objekteve dhe Ceremonialit e Policisë Bashkiake, Kalaja ka penguar një mjet të ndërmarrjes së mirëmbajtjes së objekteve publike të Bashkisë, duke bllokuar rrugën dhe duke refuzuar të largohej. Në kallëzim thuhet se Kalaja ka kërcënuar verbalisht shoferin e kamionit dhe ka përdorur fjalor fyes ndaj punonjësve të policisë bashkiake.

"Specialistët për Hetimin e Krimeve të Komisariatit të Policisë Nr. 1: referuan materialet në Prokurori, ku nisi procedimi në gjendje të lirë për shtetasen A. K., 61 vjeçe, pasi ditën e djeshme, ka penguar lëvizjen e një automjeti në pronësi të bashkisë Tiranë, me të cilin po transportoheshin dokumente, nga ky institucion, te Drejtoria e Përgjithshme e Arkivave”, njofton policia.

adriana kalaja