Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
AKTUALITET
E rëndë në Itali/ Shqiptari dhunon brutalisht gruan dhe e bën për spital, përplaset fizikisht edhe me policët
S.BPërditësimi i fundit 17 Shtator 2024, 14:13
ITALI- Një ngjarje e rëndë brenda familjes ka ndodhur së fundmi në Itali. Mësohet se një 46-vjeçar shqiptar ka dhunuar brutalisht gruan e tij 45-vjeçare.
Gjithçka nisi kur 46-vjeçari në gjendje të dehur u kthye në shtëpi, ku goditi si fillim muret e më pas gruan. Ai nisi ta godiste 45-vjeçaren me grushta në kokë teksa mbante edhe celularin në duar.
Britmat e të dhunuarës u dëgjuan nga fqinji i tyre i cili lajmëroi menjëherë policinë. E dhunuara doli jashtë e gjakosur, t’u kërkonte ndihmë fqinjëve dhe ndërsa patrulla mbërriti në shtëpinë e saj, ambulanca e transportoi në urgjencën e qytetit.
Kur policia hyri në shtëpi për të parë çfarë kishte ndodhur, panë gjurmë gjaku në muret e hyrjes, në çarçafët e dhomës së gjumit dhe gjithashtu në një celular të thyer të braktisur në dysheme. Në kuzhinë, efektivët gjetën sulmuesin në dysheme, të dehur, ndaj kërkuan ambulancë edhe për të.
Në spitalin e qytetit, mjekëve iu desh të qepnin plagën në tëmthin e zonjës, ndërsa sulmuesi ka rezistuar duke sulmuar verbalisht mjekët dhe policët, derisa u përplas me këta të fundit dhe e goditi njërin prej tyre.
I bllokuar dhe i sigurt, mjekët mundën ta trajtonin, ndërsa zonja, e liruar, vendosi ta denonconte, duke përshkruar serinë e ngacmimeve dhe sulmeve që kishte pësuar gjatë martesës së tyre dhe duke vendosur të transferohej në shtëpinë e vëllait.
