E rëndë në Pogradec/ Babai plagos me çifte të birin, 47-vjeçari në gjendje të rëndë shëndetësore (EMRAT)

foto ilustruese

POGRADEC- Një ngjarje e rëndë ka ndodhur ditën e sotme në fshatin Stropckë të Pogradecit. Mësohet se pas një konflikti për motive banale 47-vjeçari Përparim Shkullaku në gjendje të dehur ka goditur fizikisht të atin 83-vjeçarin Agim Shkullaku ku ky i fundit ka marrë çiften duke e plagosur rëndë.

Burime nga spitali bëjnë të ditur se djali është në gjendje të rënduar shëndetësore, dhe pritet që të niset drejt Traumës në Tiranë. Policia ndodhet në vendngjarje për zbardhjen e rrethanave të ngjarjes. Bëhet me dije se 83-vjeçari Agim Shkullaku është shoqëruar në Komisariat, ndërkohë që u sekuestrua edhe arma e gjahut. 

Njoftimi i Policisë: 

Rreth orës 18:40, në fshatin Stropckë, Pogradec, ka ndodhur një konflikt familjar i çastit mes babait dhe djalit të tij.

Shtetasi P.Sh, 47 vjeç, në gjendje të dehur ka dhunuar babait e tij shtetasin A. Sh., 83 vjeç.

Më pas 83 vjeçari ka marrë armën e gjahut dhe ka plagosu djalin e tij shtetasin P. Sh, i cili është transportuar për në spital për ndihmë mjekësore.

Shërbimet e Komisariatit të Policisë Pogradec, kanë bërë shoqërimin e 83 vjeçarit në Komisariatin e Policisë për veprime të mëtejshme.

Gjithashtu shërbimet e Policisë kanë bllokuar e sekuestruar në cilësinë e provës materiale armën e gjahut me të cilën dyshohet se 83 vjeçari ka plagosur djalin e tij.

Grupi hetimor në drejtimin e Prokurorisë po punon për zbardhjen e plotë të rrethanave dhe dokumentimin ligjor të kësaj ngjarjeje.

pogradec plagosje me arme