Të ardhurat që shteti siguron nga dhënia me qira e pasurive të sekuestruara dhe të konfiskuara kanë shënuar një rritje t...
AKTUALITET
E vendosi tritolin në 27 dhjetor dhe e plasi dy ditë më pas, si u vra Hysni Ymeri në Shkodër
PiranjatPërditësimi i fundit 2 Janar 2026, 13:47
Sipas gazetarit Elton Qyno, Bushati është kapur nga një kamera e instaluar në një biznes aty pranë, ku shihet që në darkën e datës 27 dhjetorit, vendos lëndën shpërthyese në sahatin eletrik të katit të parë të pallatit.
Gerti Bushati, është personi që ka vendosur lëndën plasëse në sahatin elektrik të një pallati 5 katësh në Shkodër, ku mbeti i vrarë 67-vjeçari Hysni Ymeri.
Lënda shpërthyese është aktivizuar dy ditë më vonë në 29 dhjetor 2025, duke sjellë vdekjen e menjëhershme të 67-vjeçarit.
Shpërthimi ndodhi në momentin kur Hysni Ymeri ishte duke ngjitur shkallët e pallatit për të hyrë në banesë.
Pas hetimeve të kryera dhe ndjekjes së disa kamerave të tjera është mësuar intenerari i lëvizjes së disa autorëve, duke çuar në arrestimin e 4 personave, Gerti Bushati, Ergys Ibrahimi, Edison Hasaj dhe Gjergji Zefi.
Policia nuk e ka zbuluar ende motivin e porositjes së ekzekutimit të 67-vjeçarit, ndërsa më herët ka një histori gjakmarrje të familjes së Hysni Ymeri.
Në 1995-ën, në lagjen Kiras vëllai i tij vrau Shefqet Çekorjen. Autori u arrestua në atë kohë dhe u dënua.
Disa vite më vonë, sipas burimeve, dy familjet arritën pajtimin. Shefqet Çekorja ishte vëllai i Ismet Çekores, i cili u vra në shtator 2022 pranë banesës së tij, i vrarë si pjesë e konflikteve mes fiseve Bajri-Lici.
Pak ditë para ekzekutimit të Hysni Ymerit, kishte ardhur në Shkodër edhe djali i tij, i cili jeton jashtë Shqipërisë. Alban Ymeri i tha policisë se familja nuk kishte konflikte dhe se nuk kanë marrë kërcënime.
Gjatë veprimeve të policisë janë sekuestruar 28 celularë, 1 automjet “Mercedes-Benz”, municion, lëndë narkotike dhe kokaine, pajisje GPS, kamera sigurie dhe rroba të përdorura nga autori i dyshuar.
Hetimet vazhdojnë për identifikimin e personave të tjerë të përfshirë dhe sqarimin e motiveve.
