Një qytetar ka denoncuar për Piranjat news se një person, të cilin e identifikon si Xhejsi Selenica, publikon në rrjetet sociale vide...
AKTUALITET
E vërteta e “Fan Nolit” dhe dhuna verbale e policisë së kapur në flagrancë
I.APërditësimi i fundit 28 Nëntor 2024, 12:56
Vrasja e Martin Canit është rikthyer sërish në temë dite sot, pasi policia ka sjell në njoftim në lidhje me ngjarjen e para disa ditëve në shkollën Fan Noli. Pasi në media kanë dalë dyshime në lidhje me transparencën që policia ka bërë me rastin, duke tentuar të fsheh ngjarjen e plotë për shkak të lidhjeve të forta të shokur të autorit Mario Përlleshaj, Kledjon Bejkaj, i cili dyshohet se është autori i dytë i ngjarjes.
Policia në njoftimin e sotëm shpreh indinjatën me mediat,të cilat e kanë transmetuar rastin dhe detajet e reja që kanë dalë nga zbardhja e ngjarjes po nga vete mediat dhe jo nga policia. Fillimisht, policia duket që transparencën nuk e njeh fare si koncept, sepse është e pamundur që komunikimi i Policisë me publikun të bëhet pa mediat. Ndërkohë që njoftimet e Policisë pikërisht bëhen për “lajmet e portaleve”, që një injorant me pushtet mundohet t’i stigmatizojë.
Në fakt e vërteta e kësaj historie është se portalet që policia ka sulmuar në njoftimin e saj,si të gjitha mediat e mëdha në vend, nuk kanë shpikur autor të dytë për ngjarjen. Por të dhënat për një autor të dytë kanë dalë nga intervista e babait te Luis Meçjas të dhënë për mediat, pasi vetë policia nuk e ka marrë për bazë. Po ashtu ka qenë dhe vetë i plagosuri në këtë ngjarje Luisi, i cili nuk ka folur vetëm për një autor të dytë por edhe për një thikë të dytë të përdorur në sherr.
Jo vetëm kaq, pasi siç ka dalë dhe dokumenti i oficerit të policisë gjyqësore që në sherr janë përfshirë 5 persona dhe jo vetëm 3 siç pretendon policia në njoftimin e saj. Dhe pikërisht në këtë dokument zyrtar është dhe emri i Kledjon Bejkajt, të cilin po kjo Polici refuzon që ta përmend. Ndërkohë që vetëm pasi dolën të gjitha këto në media, policia një javë pas ngjarjes mori dëshminë e Bejkajt në lidhje me ngjarjen.
Nëse policia ka ndonjë dëshirë të jetë minimalisht transparente, në vend të prepotencës dhe injorancës le të tregojnë me skemë si ka ndodhur ngjarja tragjike. Pse në këtë sherr mes adoleshentëve flitet për dy autorë, pse kamerat e sigurisë kanë kapur personazhe të tjerë dhe çfarë roli kanë patur ata? Pse Policia nuk ka ndërhyrë për ta paranadaluar krimin?
Po ashtu Policia në vend të leksioneve për mediat që mjaftohen me njoftimin e tij, duhet që të shpjegojë se ku e gjeti thikën autori. Si shpjegohet që një 14-vjeçar shkon me thikë në shkollë?
Pasi Policia të mbajë përgjegjësitë e veta dhe pasi të ketë bërë transparencë duke zbardhur të gjithë ngjarjen, para se mediat të ndërhyjnë dhe të vendosi autorët e vrasjes para drejtësisë. Dhe më pas të kërkojë ndjesë publike në lidhje me ngjarjen, atëhere mund të gjykojë dhe mediat, megiithëse kjo sjellje nuk ka precedentë në asnjë vend të botës./Dosja.al
