Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
AKTUALITET
Ekskluzive/ “20 plumba në pyllin e Tepelenës” – “Piranjat” zbardhin dinamikën e vrasjes së biznesmenit italian
PiranjatPërditësimi i fundit 28 Shtator 2025, 12:53
Vrasja e biznesmenit Italian, Edoardo Sarchi, 44-vjeç, në Salari të Tepelenës është një ngjarje që tronditi mbarë opinionin publik në Shqipëri dhe në Itali.
E ndërsa në rrjet, po qarkullojnë teori nga më të ndryshmet, “Piranjat” kanë zbuluar dinamikën se si ndodhi ekzekutimi i Sarchi-t.
Burime ekskluzive për “Piranjat” bëjnë me dije se ishte plumbi në kofshë, ai që i mori jetën biznesmenit 44-vjeçar.
Mësohet se autori i vrasjes makabre, shkrepi mbi 20 plumba në drejtim të italianit, referuar gëzhojave që u gjetën në vendngjarje.
Më tej, mësojmë se autori i vrasjes së biznesmenit italian, Edoardo Sarchi, kishte qëndruar në pritje dhe e kishte ruajtur 44-vjeçarin dhe miqtë e tij në pyll.
Ndërkohë, ashtu siç ndodh rëndomë në vendin tonë, pavarësisht se u lajmërua në kohë, ambulanca mbërriti plot 2 orë pas njoftimit në vendngjarje, duke e bërë të pamundur shpëtimin e tij.
Burimet bëjnë me dije se policia ka identifikuar autorin e dyshuar, i cili mësohet se është një shtetas nga Vlora, teksa po punohet për kapjen e tij.
Rikujtojmë që ngjarja e rëndë ndodhi pas mesnatës së të premtes, në një zonë të quajtur “Dilan”, midis fshatrave Nivicë dhe Salari.
Italiani ndodhej në atë pyll, pasi kishte shkuar për gjah me katër pesona të tjerë, miq të tij, mes tyre edhe Eqrem Braçi, si dhe dy djemtë e këtij të fundit, Gazmenti dhe Danieli. Të tre u shoqëruan nga policia për të dhënë dëshmitë dhe më pas u liruan.
Viktima, Edoardo Sarchi, jetonte dhe punonte në Shqipëri prej më shumë se 20 vitesh, ku drejtonte një fabrikë të madhe tullash në Tiranë./Piranjat.al
