Një zjarr në një sipërfaqe pyjore midis fshatrave Andon Poçi dhe Hundëkuq, është konstatuar këtë mbrë...
AKTUALITET
EMËR+ FOTO/ U kap në “shtëpi bari”, i riu shqiptar dënohet me 32 muaj burg, rrezikon deportimin nga Britania e Madhe
E.DPërditësimi i fundit 16 Korrik 2024, 18:39
ANGLI- Një shqiptarë është dënuar me 32 muaj burg në Angli pasi u kap në shtëpi bari. Mediat e huaja bëjnë të ditur se emigranti ilegal që hyri në Mbretërinë e Bashkuar për një jetë më të mirë përballet me perspektivën e dëbimit pasi u kap duke drejtuar një “shtëpi bari” në Birmingham. Vilajet Karanxha u gjet i fshehur në një adresë në Sladefield Road në Saltley, ku u gjetën 136 bimë të drogës së klasit B, me vlerë rreth 52,000 £.
27-vjeçari pohoi se shpresonte të fitonte disa para, pasi kishte luftuar për të gjetur punë. Karanxha, pa adresë fikse, pranoi prodhimin e kanabisit dhe u dënua me 32 muaj në Gjykatën e Kurorës së Birminghamit të enjten, më 11 korrik. Policia kontrolloi ndërtesën më 24 janar pas një raportimi për një thyerje të mundshme. Prokurorja Annabel Dale tha se prona ishte përshtatur për rritjen e kanabisit me instalimin e dyerve dhe hekurave të sigurta në dritare. Vlera e bimëve të sekuestruara ishte midis 11,400 dhe 51,390 £. Gjithashtu Karanxha është arrestuar në vendngjarje.
“ai e dinte se ishte në paraburgim sepse kishte shkelur ligjin dhe kishte bërë diçka që nuk i lejohej ta bënte. Ai shpjegoi se erdhi në Britaninë e Madhe nga Shqipëria në vitin 2018 dhe e kishte bërë këtë në mënyrë të paligjshme. Ai punonte si ndërtues në Londër, por nuk mund të jepte detaje për punëdhënësin e tij. Ai shpjegoi se në Londër takoi një mashkull tjetër shqiptar dhe ishte ai që ofroi punën në Birmingham për tu kujdesur për kanabisin. Ky kanabis do të pritej brenda një jave dhe ai priste 4000 £ si pagesë për punën e tij”, tha Dela.
Karanxha ishte burgosur më parë në vitin 2022 për kultivim kanabisi. Avokatja e tij tha se kjo është një histori e zakonshme, premtime për një jetë më të mirë në Evropën Perëndimore, kryesisht në Angli.
