Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
AKTUALITET
EMRAT/ 290 aplikime për shefa komisariati, zbardhen kush kanë aplikuar
I.APërditësimi i fundit 12 Nëntor 2024, 10:39
TIRANË- Aplikantët për shef komisariati janë zbardhur në të gjithë vendin. Mësohet se gjithsej janë 290 oficerë të policisë që kanë shprehur interesin për të marrë detyrën e shefit të Komisariatit.
Janë 290 efektivë policie që do të kalojnë në sitë për të parë nëse përmbushin kushtet ligjore. Do të jetë Komisioni i Vlerësimit të Aplikimeve që do të kryejë vlerësimin paraprak të kandidatëve dhe dosjeve të tyre.
Njoftimi i Policisë:
Mbështetur në pikën 1, pikën 2 shkronja “c” dhe “l” të nenit 55, pikën 3 dhe 4 të nenit 61, të ligjit nr. 82/2024 “Për Policinë e Shtetit”, në Vendimin e Këshillit të Ministrave nr. 641, të datës 16.10.2024 “Për miratimin e rregullores për përzgjedhjen e kandidatit për zëvendësdrejtor të përgjithshëm, drejtor të departamentit, drejtor të drejtorisë vendore dhe shef të komisariatit në Policinë e Shtetit”, si dhe në urdhrin e Drejtorit të Përgjithshëm të Policisë së Shtetit nr. 1450, të datës 31.10.2024 “Për shpalljen e thirrjes për konkurrim për pozicionin “Shef Komisariati, në Drejtoritë Vendore të Policisë”, pas përfundimit të fazës së aplikimeve, Komisioni i Vlerësimit të Aplikimeve publikon emrat e kandidatëve që kanë shprehur interes për pozicionin “Shef Komisariati”. Komisioni do të kryejë vlerësimin paraprak të aplikimeve, me qëllim verifikimin e plotësimit të kushteve ligjore nga kandidatët të cilët kanë shprehur interes për pozicionin “Shef Komisariati”.
