Kryetari i Partisë Demokratike, Sali Berisha, ka shpërndarë në rrjetet sociale një pjesë nga fjala e një protestueseje n&eu...
AKTUALITET
EMRAT/ Arrestohen dy të shpallur në kërkim në Fier, procedohen tre të tjerë në gjendje të lirë
S.BPërditësimi i fundit 16 Maj 2024, 13:41
foto ilustruese
FIER- Arrestohen dy të shpallur në kërkim dhe procedohen tre persona të tjerë në Fier. Mësohet se 26-vjeçari i shpallur në kërkim Kristian Peto është arrestuar pasi është dënuar me 8 muaj burg për përndjekje.
37-vjeçari Jurgest Shalaj është arrestuar pasi është dënuar me 2 muaj burg për veprime në kundërshtim me gjykatën. Tre persona janë proceduar në gjendje të lirë për veprat penale aksidentimi i punonjësit në orarin e punës, konflikti fizik, posedimi i lëndëve narkotike dhe kanosja.
Njoftimi i Policisë:
Drejtoria Vendore e Policisë Fier
Komisariati i Policisë Fier ndaloi shtetasit e shpallur në kërkim:
-Kristian Peto, 26 vjeç, banues në fshatin Muçaj, pasi Gjykata e Fierit e ka dënuar me 8 muaj burgim, për veprën penale "Përndjekja";
-Jurgest Shalaj, 37 vjeç, banues në fshatin Mbrostar, pasi Gjykata e Fierit e ka dënuar me 2 muaj burgim, për veprën penale "Veprime në kundërshtim me vendimin e Gjykatës".
Komisariati i Policisë Lushnjë referoi materialet në Prokurori, ku nisi procedimi në gjendje të lirë për shtetasin A. Ç., 56 vjeç, banues në Tiranë, pasi gjatë procesit të punës në një fabrikë për përpunimin e hidrokarbureve, në pronësi të këtij shtetasi, është djegur aksidentalisht, punonjësi i fabrikës, shtetasi Xh. H., 22 vjeç, i cili aktualisht është në kujdesin e mjekëve dhe jashtë rrezikut për jetën.
Komisariati i Policisë Divjakë referoi materialet në Prokurori, ku nisën procedimet në gjendje të lirë për shtetasin Xh. H., 30 vjeç, banues në fshatin Grabian, pasi dyshohet se për motive të dobëta, është konfliktuar fizikisht me shtetasin R. N., 28 vjeç, si dhe për babanë e 28-vjeçarit, shtetasin A. N., 56 vjeç, sepse pas konfliktit, ka kanosur shtetasin Xh. H..
Sektori për Hetimin e Narkotikëve të DVP Fier referoi materialet në Prokurori, ku nisi procedimi në gjendje të lirë për shtetasin A. B., 29 vjeç, i kartelizuar, me probleme të shëndetit mendor, pasi gjatë shoqërimit të tij në spital, iu gjet dhe iu sekuestrua një sasi e vogël lënde narkotike cannabis sativa.
Ditën e djeshme, rreth orës 10:00, dyshohet se në banesën e shtetases J. A., 64 vjeç, në Divjakë, është vjedhur një shumë parash. Po punohet për identifikimin dhe kapjen e autorit/ëve, si dhe për sqarimin e rrethanave të rastit.
Materialet procedurale i kaluan Prokurorisë, për veprime të mëtejshme.
